Ҳодисалар

Андижонда прокурор ёрдамчиси пиёдани уриб юборди

Прокуратура ходими “Нексия” автомобилида эркак кишини уриб кетди. Текширувда аниқланишича, пиёда маст ҳолда қатнов йўлининг ўтиш мумкин бўлмаган қисмидан ўтган.

Андижонда прокурор ёрдамчиси пиёдани уриб юборди
Фото:UzNews.uz

25 апрель куни соат 23:00 ларда Андижон вилояти Марҳамат туман прокурорининг катта ёрдамчиси Б.П. бошқарувидаги “Нексия” русумли автомашинасини “Марҳамат-Асака” транспорт қатнов йўлида бошқариб кетаётган вақтида, қатнов йўлининг ўрта қисмида ҳаракатланиб бораётган пиёда Б.Б.ни автомашинасининг олд қисми билан уриб юборган, деб хабар бермоқда Бош прокуратура матбуот хизмати.

 

Натижада, фуқаро Б.Б. олган тан жароҳатлари билан воқеа жойида вафот этган.

 

Мазкур ҳолат юзасидан ўша куннинг ўзида вилоят прокуратураси томонидан Жиноят кодексининг 266-моддаси 2-қисми билан жиноят иши қўзғатилган.

 

Тергов жараёнида суд-тиббиёт, суд-трассологик ва суд-автотехника экспертизалари тайинланган. Судга оид тиббиёт экспертизасининг дастлабки хулосасига кўра, марҳум Б.Б. ҳодиса содир бўлишидан аввал кўп миқдорда спиртли ичимлик истеъмол қилганлиги аниқланган. Мазкур ҳолат марҳумнинг яқин қариндошлари, ҳодиса содир бўлишидан бироз аввал кўришган дўстларининг кўрсатмалари билан ҳам тасдиқланган. Шунингдек, тергов йўли билан пиёданинг қатнов йўлининг ўтиш мумкин бўлмаган қисмида автомашиналар ҳаракати йўналишига қарама-қарши траекторияда ҳаракатланиб келганлиги аниқланган.

 

Терговнинг бориши устидан Бош прокуратура томонидан алоҳида назорат ўрнатилди.

Коронавирус Covid-19 Ўзбекистонда
Юқтирганлар3769(+9)
Соғайганлар2908(+0)
Вафот этганлар15(+0)
Коронавирус Covid-19 Ўзбекистонда
Юқтирганлар3769(+9)
Соғайганлар2908(+0)
Вафот этганлар15(+0)
изоҳлар
Мавзу бўйича қизиқарли ва маъноли фикрлар қабул қилинади.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ