17 апрель куни Оренбург вилоятининг “Акбулак” қишлоғида маҳаллий аҳоли эркак кишининг мурдасини топишган. Мурданинг ёнида 22 ёшли Ўзбекистон фуқароси Сардор Норбаевнинг паспорти топилган. Бу ҳақда Марказий Осиё янгиликлар хизмати хабар берди.
Эркак қишда йўқолиб қолгани аниқланган. 2019 йилнинг 22 февралида эса йўқолган шахснинг аёли Ксения Норбаева Facebook’даги «Объявления Актобе» саҳифасига излашда ёрдам сўраб эълон жойлаштирган.
Аниқланишича, фуқаро Қозоғистон чегарасидан Россия Федерациясига ноқонуний равишда ўтишни режалаштирган. Аммо, фақатгина Оренбург вилоятининг “Акбулак” қишлоғига яқин жойдаги ҳудудгагина етиб борган ва музлаб қолган.