Йўл ҳаракати хавфсизлиги ходимлари транспорт эгасини тўхтатиб, агар ҳайдовчи чарчаган ёки уйқуси келаётган бўлса унга кофе ёки чой тутқазиб, унинг ҳушёрлигини оширишга ҳаракат қиляпти.
"Тунги кофе брейк" тадбирлари вилоятимизнинг М-37 йўлидаги ҳайдовчиларни ҳушёрликка чақирувчи масканларида ташкил этилган.
– Мазкур тадбирдан кўзланган мақсад, аввало, йўлларда кўнгилсиз воқеа ва ҳодисаларнинг олдини олиш, – дейди Оқдарё туман ЙҲХГ катта инспектори лейтенант Обид Шарипов. – Шу билан бирга ҳайдовчи ҳамда йўловчиларнинг манзилларига соғ-омон етиб олишларидир.
Ўйлаймизки, бу каби тадбирларнинг ўтказилишидан автомобиль ҳайдовчиси ҳам, йўловчилар ҳам мамнун бўлишмоқда.
"Zarnews" нашри Самарқанддаги ҳолатни маълум қилди. Аввалроқ эса, Наманган вилоятида ҳам худди шундай ижобий ҳолатлар акс этган видео ва фотосуртлар тарқалган эди.