Излаш
RUUZ

Жамият

Адвокатлар палатасидан ўз ҳақини ололмаётган тадбиркор ўзига "ҳимоячи" тополмаяпти

Адвокатлар палатаси ва “Bilol qurilish plus baraka” МЧЖ ўртасида 2012 йил 25 май куни Палатанинг Тошкент шаҳрида жойлашган маъмурий биносини  таъмирлаш бўйича шартнома имзоланган.

3622views0replies
0

UzNews.uz

Ўзбекистон Республикаси Адвокатлар палатасининг Тошкент шаҳар Мирзо Улуғбек тумани Буюк ипак йўли кўчаси 471-уйда жойлашган маъмурий биносида реконструкция қилиш ва капитал таъмирлаш ишлари олиб борган “Bilol qurilish plus baraka” МЧЖ томонидан амалга оширилган ишларни “Буюртмачи” томонидан қабул қилиб олинган.
“UzNews.uz” мухбирига мурожаат қилган “Bilol qurilish plus baraka” МЧЖ вакили бажарилган ишлар учун ҳали тўла “ҳақи”ни ололмагани ва бунинг ортидан бир неча йиллардан бери судма-суд сарсон юрганини маълум қилди.
2009 йилнинг 17 март куни Тошкент вилояти Зангиота туман ҳокимлиги томонидан гувоҳнома олиб яхши ниятлар билан тадбиркорлик фаолиятини бошлаган “Bilol qurilish plus baraka” МЧЖ раҳбари бир неча нафар ходимларни иш билан таъминлаш баробарида топаётган даромади орқали давлатга солиқ тўлаб фойдаси тегишини ҳам мақсад қилиб, ўйлаб ҳамда шунга ҳаракат қилган.
Биз шу вақтга қадар пулимизни олишдан умидимизни узган ва “пешонамизда борини кўрамиз” қабилида иш юритаётган эдик, лекин бугун замон ўзгарди, тадбиркорликка эътибор кучайди, шу сабаб биз ҳам ўз ҳақимизни талаб қилишга қарор қилдик. Шу вақтга қадар кўплаб адвокатларга маслаҳат солдик, аммо жавоб бир хил Адвокатлар палатасига қарши даъво билан ҳеч бир адвокат мурожаат қилишга ботина олмади, биз уларни ҳам тўғри тушунамиз дейди, – суҳбат давомида “Bilol qurilish plus baraka” МЧЖ вакили.
Шунингдек, биз ва биз орқали тегишли давлат органларига ўз шикоятини етказишга қарор қилган “Вакил”нинг сўзларини тинглаб биз икки томонни ҳам эшитишга қарор қилдик.
Ҳар ҳолда Палата раҳбариятида ҳам ўзгариш бўлган, балки бизни тушунишар деган умиддамиз дейди, “Bilol qurilish plus baraka” МЧЖ вакили.
“UzNews.uz” бу борада тадбиркорнинг шикоятини ўрганиш ва бунга холис баҳо бериш мақсадида журналистик суриштирув бошлади.
3622views0replies
0

Изоҳлар