Сафар учун энг хавфсиз мамлакат Сингапур бўлди. Шунингдек, Ўзбекистон билан бир қаторда биринчи бешликка Исландия, Норвегия ва Финляндия кирган.
Ҳисоботга кўра, 142 давлатлар аҳолиси ўртасида бир неча талаблар бўйича сўров ўтказилган. Саволлар улар тунги шаҳарда ёлғиз айланиб юрганларида ўзларини хавфсиз ҳис қилишлари, маҳаллий полиция ходимларига ишонишлари ва ўғирликка ёки босқинчиликка дуч келишлари ҳақида бўлган.
Бундан ташқари, саёҳат учун энг хавфсиз бўлмаган мамлакатлар ҳам эълон қилинган. Рўйхатда Венесуэла, Афғонистон ва Жанубий Судан етакчилик қилмоқда.