Ўзбекистон экологик ҳаракати матбуот хизматининг хабар беришича, таъсис съездида Ўзбекистон экологик партияси таъсис этилган.
Партиянинг Марказий Кенгаши аъзолари, Назорат-тафтиш комиссияси аъзолари сайлаб олинган. Устави ва Дастури қабул қилинган. Шунингдек, партиянинг матбуот органи ҳам тасдиқланиб, партиянинг ваколатли вакиллари сайланган.
Шу куннинг ўзида Ўзбекистон экологик партияси Марказий Кенгаши Пленуми ҳам бўлиб ўтган. Пленумда партиянинг рамзлари ҳамда “Ўзбекистон экологик партияси рамзлари тўғрисида”ги Низом лойиҳаси тасдиқланган.
Шунингдек съездда сўз олганлар экологик партия олдида катта ва масъулиятли ишлар турганлигини алоҳида қайд этиб ўтишган.
Таъкидлаш жоизки, бугунги кунда хорижий давлатлар амалиётида экология соҳасидаги сиёсий партиялар жамият ҳаётида муҳим ўринга эга. Жумладан, дунёда 100 яқин давлатларда экологик партиялар фаолият олиб боради, дея қайд этилган хабарда.