Мазкур ош Шайх Зайид таваллудининг 100 йиллиги муносабати билан пиширилган.
10 минг киши учун 1,5 тоннадан ортиқ гуруч дамланган. Марказий майдонда битта асосий катта қозон ва унинг ёнида 8 та кичкина қозон ўрнатилган.
Ошни тайёрлаш давомида 30 та ўзбекистонлик ошпаз иштирок этган. Ош тайёрлаш ва тарқатиш жараёнида ўзбек куй-қўшиқлари ижро этилиб, шоу тақдим этилган.
Шайх Зайид номидаги Абу-Даби маданий мерослар фестивали 2 декабрь куни бошланган ва 26 январгача давом этади.
