1 USD = 10490.65 1 EUR = 12513.25 1 RUB = 140.52
БҲМ = 245 000 сўм МҲЭКМ = 747 300 сўм
1 USD = 10490.65 1 EUR = 12513.25 1 RUB = 140.52
БҲМ = 245 000 сўм МҲЭКМ = 747 300 сўм
Жамият
12 декабрь 2018 г. 2894 0

Тошкентда Чилонзор тумани ҳокимининг уйини тунаб кетишди

Чилонзор тумани ҳокимининг уйида ўғирлик содир бўлди. Ўғрилар катта миқдордаги маблағларни олиб кетишган.

Тошкентда Чилонзор тумани ҳокимининг уйини тунаб кетишди
Фото: UzNews.uz

Бош прокуратура матбуот хизматининг хабар беришича, воқеа Чилонзор тумани ҳокими Сарвар Махаметовнинг хонадонида 5 декабрь куни содир бўлган. Мазкур ҳолат юзасидан Юнусобод туман ИИБ томонидан ЖКнинг 169-моддаси 4-қисми «а» банди билан жиноят иши қўзғатилган.

7 декабрь куни ҳодисада гумон қилиниб уч нафар фуқаро М.М., Қ.Г. ва  Г.Р. қўлга олинган. Ўтказилган тинтув ҳаракатлари давомида гумонланувчилардан ашёвий далиллар топилган. Ҳозирда гумонланувчилар қамоққа олинган.

Таъкидлаш жоиз, терговда жабрланувчи сифатида Чилонзор тумани ҳокимининг турмуш ўртоғи иштирок этмоқда. Прокуратура ўғирланган пуллар миқдорига аниқлик киритмаган, айни вақтда тергов ҳаракатлари давом этмоқда.

Эслатиб ўтамиз, Сарвар Махаметов шу йилнинг октябридан буён Чилонзор тумани ҳокими ҳисобланади. У 2010-2016 йилларда Бектемир тумани ҳокими, 2016-2018 йилларда Яккасарой тумани ҳокими сифатида ишлаган.

Изоҳлар
Изоҳ қолдириш Мавзу бўйича қизиқарли ва маъноли фикрлар қабул қилинади.
Янгилик қўшиш
Муҳокама қилинаётган барча мақолалар