Бошқарма матбуот хизматининг хабар беришича, тахминан 4 ёшдаги қизалоқ профилактика инспектори томонидан 9 декабрь куни топиб олинган.
Қизчанинг сўзларига кўра, унинг исми Исаева Лида. Қариндошлари ва уларнинг турар жойлари ҳақида билмайди.
Ҳозирда Лида Тошкент шаҳар ИИББнинг вояга етмаганларга ижтимоий-ҳуқуқий ёрдам кўрсатиш марказида.
Лиданинг белгилари: бўйи 85-90 см., сочи ёрқин рангда елкасига қадар ва кўзлари қора ранг.
Кўк рангдаги джинси куртка, қора этик ва бошига қизил қалпоқ кийиб олган.
Қизчанинг қариндошлари, уни танидиган ёки унинг яқинларини биладиганлар вояга етмаганларга ижтимоий-ҳуқуқий ёрдам кўрсатиш марказига 71-231-87-56 ёки 102 рақами орқали мурожаат этишлари мумкин.