Қирғизистон Республикаси Ташқи ишлар вазирлигига Ўзбекистон ТИВдан нота келиб тушган. Бу ҳақда Қирғизистон ташқи ишлар идораси матбуот хизмати хабар берди.
Ҳужжатда жорий йилнинг 26 ноябрида Ўзбекистон ҳарбий қўшинлари жанговар тайёргарлик юзасидан текширув ўтказилиши айтилган.
Назорат тадбири Ўзбекистон армияси ва ҳабийларининг тайёргарлик даражасини баҳолаш мақсадида ўтказилиши қайд этилган.
Нотада Ўзбекистон томонининг ушбу ҳаракатлари бошқа давлат манфаатларига зид эмаслиги ва уларга қарши қаратилмагани айтиб ўтилган.