27 ёшли йигит Тошкентда фирибгар табибнинг навбатдаги ўлжасига айланди. Ўзининг "муолажа"си учун бемордан 1250 АҚШ доллари талаб қилди.
Тошкент шаҳар ИИББ Матбуот хизмати берган маълумотга кўра, 56 ёшли ўзини табиб деб таништирган шахс, йигит оёғидаги оғриқни массаж ёрдамида даволашни ваъда қилди. Бунинг эвазига эса 1250 АҚШ долларини олган.
Йигитнинг оёғидаги оғриқ эса табиб ваъда қилганидек ўтавермагач, пулини қайтаришини сўраган.
Ушбу ҳолат юзасидан Ўзбекистон Республикаси Жиноят кодексининг 168-моддаси бўйича жиноят иши қўзғатилган. Тергов олиб борилмоқда.