Олий ўқув юртларига қабул жараёнларининг шаффофлигини таъминлаш, таълимдаги коррупция ва порахўрликнинг олдини олишга ҳам астойдил киришилганига қарамай, “ўқишга киритиб қўяман, тестни ҳал қилиб бераман”, деган ва шу орқали мўмай пул ишлаб олиш илинжидаги учарлар ҳали-ҳануз учраб турибди.
Ҳуқуқ тартибот идоралари ходимлари томонидан, Самарқанд вилоятида ҳам айнан шундай мақсадда “Бункер” ташкил қилган фирибгарларнинг бир гуруҳи қўлга олинди.
Бу воқеанинг тўлиқ тафсилотлари бугун, 9 август куни соат 21:00 да “O`zbekiston24” телеканалининг “Axborot” кўрсатувида намойиш этилиши айтилмоқда.