Излаш
RUUZ

Жамият

Давлат тест маркази орқали ўқишга киритишни ваъда қилганлар “ушланди”

Бир гуруҳ шахслар, опа-сингилларни Давлат тест маркази раҳбари орқали Тошкент фармацевтика институтига ўқишга киритиб қўйишни ваъда қилиб, пул маблағларини олган.

2881views0replies
0

dtm.uz

“UzNews.uz”нинг ишончли манбааси хабарига кўра, 1982 йилда туғилган С.Ж., 1974 йилда туғилган Ю.В.ни ишончига кириб, ўзининг жиноий шериги 1988 йилда туғилган А.А., 1981 йилда туғилган Ш.Р. ва дастлабки тергов жараёнида шахсини аниқлашнинг имкони бўлмаган “Сарвар” исмли номаълум шахс билан олдиндан жиноий тил бириктириб, Давлат тест маркази бошлиғи орқали 1997 йилда туғилган К.Ш. ва 1998 йилда туғилган К.Ҳ.ни Тошкент фармацевтика институтига ўқишга киритиб қўйишни айтиб, далолатчи сифатида пора беришга қизиқтириб, В.Ч. ва Х.П.дан жами 3,200 АҚШ доллари миқдоридаги пул маблағларини қўлга киритган.
Ушбу ҳолат бўйича Ўзбекистон Республикаси Жиноят кодексининг 211-моддаси 1-қисми билан жиноят иши қўзғатилиб, тергов ишлари олиб борилмоқда.
2881views0replies
0

Изоҳлар