“Одамлар арз қилишни билади, лекин мана вазиятни кўринг, қандай қилиб газ таъминотини сақлаб қолиш мумкин. Аҳолини Яшнобод ва Олмазор туманидаги уйларга кўчириб келяпмиз. Иложи борича ана шу одамлар кўнглига қарашга интиляпмиз. Лекин шунга қарамасдан улар орасида норози бўлаётганлари ҳам йўқ эмас”, дея куйиниб гапиради Тошкент шаҳар, Шайхонтоҳур тумани ҳокими Баҳодир Ғойибназаров.
Ҳокимнинг сўзларига кўра, “Эзидиёр” тўйхонаси ҳам бузилади. Унинг атрофидаги бинолар ҳам тез орада бузилиши кутилмоқда. Ушбу обьектлардаги тадбиркор ўзларига бошқа ер танлаб улгурмаганлар. ЎзАнинг хабарига кўра, Туман раҳбари тарбиркорларга бошқа ҳудудлардан жой кўрсатилганини айтди.