Фарғона вилояти Тошлоқ туманидан бўлган Азизбек Абдумажидов 11 ойлик чақалоқ бўлишига қарамай танасидаги 16 та игна ва уни олиш учун қилинган жарроҳлик амалиётларига бардош берди.
Соғлиқни сақлаш вазирлиги ахборот хизматининг қувончли хабарига кўра, Азизбек Абдумажидов соғайиб уйига қайтган.
Эслатиб ўтамиз, бундан аввалроқ, Республика шошилинч тиббий ёрдам илмий марказига келтирилган ҳамда жорий йилнинг 17 январь куни жарроҳлик столига ётқизилган, 9 соат давом этган операцияда танасида 16 та дона игна бўлган Азизбек Абдумажидовнинг танасидан 13 та игна чиқариб олинган эди.
Ота-онасининг ёлғиз фарзанди бўлган Азизбек Абдумажидовнинг соғайиб кетгани ҳақидаги хабар “UzNews.uz” таҳририяти ходимларини ҳам қувонтирганини алоҳида айтиб ўтмоқчимиз.
