1 USD = 10760.27 1 EUR = 12186.01 1 RUB = 145.55
БРВ = 270 000 сум МРОТ = 822 000 сум
1 USD = 10760.27 1 EUR = 12186.01 1 RUB = 145.55
БРВ = 270 000 сум МРОТ = 822 000 сум
Жамият
24 ноября, 19:35 559 0

Учтепа тумани ҳокимлигидаги қатор раҳбарлар ишдаги камчиликлари сабабли ишдан бўшатилди

Тошкент шаҳар ҳокими қатор амалдорларни эгаллаб турган лавозимларидан озод қилди, туман ҳокимига эса ҳайфсан берилган.

Учтепа тумани ҳокимлигидаги қатор раҳбарлар ишдаги камчиликлари сабабли ишдан бўшатилди
Фото: Тошкент шаҳар ҳокимлиги

Бугун, 24 ноябрь куни Тошкент шаҳар ҳокими Жаҳонгир Ортиқхўжаев бошчилигида Учтепа тумани ҳокимлигида йиғилиш бўлиб ўтди. Бу ҳақда пойтахт ҳокимияти матбуот хизмати хабар бермоқда.

Жаҳонгир Ортиқхўжаев кўпгина соҳаларда баъзи масъулларнинг ўз вазифасига лоқайд, масъулиятсизлик, юзаки ёндашиш ҳолатлари ҳамон мавжуд эканлигини кескин танқид қилган.

Хусусан, булар мактаблар, жумладан, синфлардаги давомат, таълим сифати, битирувчиларнинг олий ўқув юртларига киришидаги паст кўрсаткичлар, шунингдек, мактабгача таълим, қурилиш, маҳаллалардаги тозалик, кичик корхоналардаги иш шароитининг талабга жавоб бермаслиги, кўчат экиш жараёнидаги юзакичилик, чиқиндиларни вақтида олиб чиқиб кетилмаслиги ҳолатларидир.

Ишда йўл қўйган камчиликлари учун, туман ҳокимининг ўринбосарлари Н.Исматов, Л.Алманов, МТБ бошлиғи Н.Хантўраева, ХТБ бошлиғи Ў.Қурбонов ҳамда туризм ва спорт бўлими бошлиғи Б.Насибалиев лавозимларидан озод этилган.

Бундан ташқари, туман ҳокими Ф.Абдуллаевга эса ҳайфсан берилган.

Йиғилиш якунида мутасаддиларга ўз фаолиятини жиддий кўриб чиқиш, танқидлардан тегишли хулосалар чиқариш, ишда ижобий ўзгаришлар қилиш вазифаси юклатилди.

Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей