1 USD = 10760.27 1 EUR = 12186.01 1 RUB = 145.55
БРВ = 270 000 сум МРОТ = 822 000 сум
1 USD = 10760.27 1 EUR = 12186.01 1 RUB = 145.55
БРВ = 270 000 сум МРОТ = 822 000 сум
Сиёсат
24 ноября, 12:02 98 0

Норвегиянинг Ўзбекистондаги янги элчиси тайинланди

Ташқи ишлар вазири Норвегия Қироллигининг фавқулодда ва мухтор элчиси этиб тайинланган Жон Микал Квистадни қабул қилди.

Норвегиянинг Ўзбекистондаги янги элчиси тайинланди
Фото: ТИВ

Бугун, 24 ноябрь куни ташқи ишлар вазири Абдулазиз Камилов Норвегия Қироллигининг Ўзбекистондаги фавқулодда ва мухтор элчиси этиб тайинланган Жон Микал Квистадни қабул қилди.

Ишонч ёрлиқларини қабул қилар экан, вазир элчини юқори масъулиятли лавозимга тайинлангани билан табриклади ва фаолиятига омад тилади.

Суҳбат давомида сиёсий, савдо-иқтисодий, маданий-гуманитар ва бошқа соҳаларда Ўзбекистон-Норвегия муносабатларининг бугунги ҳолати ва уларни янада ривожлантиришнинг устувор йўналишлари, шунингдек, томонларнинг халқаро ташкилотлар доирасидаги ўзаро ҳамкорлиги муҳокама қилинди.

Бўлажак тадбирлар, хусусан, вазирликлараро сиёсий маслаҳатлашувларнинг навбатдаги даврасини ўтказиш жадвали кўриб чиқилди.

Шунингдек, халқаро ва минтақавий аҳамиятга молик айрим масалалар, жумладан, Афғонистондаги вазият юзасидан фикр алмашилди.

Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей