1 USD = 10760.27 1 EUR = 12186.01 1 RUB = 145.55
БРВ = 270 000 сум МРОТ = 822 000 сум
1 USD = 10760.27 1 EUR = 12186.01 1 RUB = 145.55
БРВ = 270 000 сум МРОТ = 822 000 сум
Жамият
19 ноября, 09:29 145 0

Тошкент вилоятида янги телерадиоканал ташкил этилади

ЎзМТРК тизимида Тошкент вилояти телерадиоканали ташкил қилинади. Бу бўйича президент тегишли қарор имзолади.
Тошкент вилоятида янги телерадиоканал ташкил этилади
Фото: МТРК
Тошкент вилояти телерадиоканалини ташкил этиш тўғрисида президент қарори қабул қилинди.

Қарорга кўра, Ўзбекистон миллий телерадиокомпанияси тизимида Тошкент вилояти телерадиоканали – Nurafshon TV телерадиоканали ташкил этилади.

Телерадиоканал асосан Тошкент вилоятининг ижтимоий-сиёсий ҳаётида рўй бераётган ислоҳотлар, жойларда ислоҳотларни амалга оширишга тўсиқ бўлаётган омилларни кенг жамоатчилик муҳокамасига олиб чиқиш ҳамда фуқароларнинг онгида демократик қадриятларни мустаҳкамлаш, ёшлар ва ўсиб келаётган авлодни ватанпарварлик, умуминсоний қадриятларни ҳурмат қилиш ва миллатлараро тотувлик руҳида тарбиялашни тарғиб қилиш билан шуғулланади.

Шунингдек, Телерадиоканал ўз теле ва радиодастурлари билан кечаю-кундуз узлуксиз равишда эфирга чиқади. Тошкент вилояти маъмурий маркази – Нурафшон шаҳрида Тошкент вилояти телерадиоканали учун комплекс қуришга 1,3 гектар ер майдони ажратилади.

Қайд этилишича, Тошкент вилояти телерадиоканалини технологик жиҳозлаш учун импорт товарлар – мультимедиа, радиотелевизион ускуналари, материаллар, дастурий таъминот ва эҳтиёт қисмларни 2024 йил 1 январга қадар божхона божидан озод қилинади.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей