1 USD = 10757.57 1 EUR = 12074.30 1 RUB = 144.34
БРВ = 270 000 сум МРОТ = 822 000 сум
1 USD = 10757.57 1 EUR = 12074.30 1 RUB = 144.34
БРВ = 270 000 сум МРОТ = 822 000 сум
Иқтисодиёт
8 ноября, 20:42 235 0

2022 йилда 1000дан ортиқ давлат активлари сотувга қўйилади

Давлат активларининг сотилиши натижасида бюджетга 10 трлн сўмга яқин маблағ тушади.

2022 йилда 1000дан ортиқ давлат активлари сотувга қўйилади
Фото: Иллюстрация

Бугун, 8 ноябрь куни Шавкат Мирзиёев давлат объектларини хусусийлаштириш масалалари бўйича йиғилиш ўтказди.

Йиғилишда 2021-2022 йилларда давлат улуши бўлган корхоналар сонини камида 3 баробар қисқартириш режалаштирилгани ва жорий йилда 4,5 трлн сўмлик 619та давлат активи сотилгани ҳақида гапирилган.

Кейинги йилда 32та йирик давлат активини сотиш, «Ўзсаноатқурилишбанк»ни хусусийлаштириш, давлат корхоналарининг 368та носоҳавий ва самарасиз активларини савдога чиқариш режалаштирилган.

Ҳудудларда 770та актив сотишга тайёрланган. Булар орқали бюджетга қарийб 10 триллион сўм тушум таъминланиши кўзда тутилган.

Президент давлат корхоналарига стратегик инвесторларни жалб қилиш, фақат мавжуд қувватларни ишлатиш билан чекланмасдан, корхоналар фаолиятини кенгайтириш зарурлигини таъкидлаган.

Мутасаддиларга 2022 йил учун хусусийлаштириш дастурини ишлаб чиқишга кўрсатма берилган.

Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей