1 USD = 10760.27 1 EUR = 12186.01 1 RUB = 145.55
БРВ = 270 000 сум МРОТ = 822 000 сум
1 USD = 10760.27 1 EUR = 12186.01 1 RUB = 145.55
БРВ = 270 000 сум МРОТ = 822 000 сум
Сиёсат
26 октября, 14:07 625 0

АҚШ Ўзбекистон президенти сайлови бўйича баёнот берди

АҚШ Давлат департаменти Ўзбекистондаги президентлик сайлови натижаларини эътироф этди.
АҚШ Ўзбекистон президенти сайлови бўйича баёнот берди
Фото: UzNews.uz
АҚШ Давлат департаменти Ўзбекистон президенти сайлови бўйича баёнот берди.

Унда айтилишича, АҚШ Ўзбекистон халқининг 24 октябрь куни бўлиб ўтган президентлик сайловларида овоз бериш ҳуқуқидан фойдаланганини қўллаб-қувватлайди.

“Биз ЕХҲТ ДИИҲБ кузатув миссиясининг овоз бериш жараёнлари тинч ўтгани ва сайловчиларнинг юқори фаоллиги ҳақидаги фикрларига қўшилган ҳолда, ЕХҲТ миссиясининг сайловлар ҳаддан ташқари чекланган сиёсий муҳитда ўтгани ва сайловнинг муҳим кафолатлари эътиборга олинмагани ҳақидаги баёнотлари борасида ҳам ҳамфикрмиз”, - дейилади баёнотда.

Давлат департаменти Ўзбекистон ҳукуматининг ЕХҲТ-ДИИҲБ кузатув миссияси билан ҳамкорлигини маъқуллади ва ЕХҲТнинг сайловлар, фуқаролик ва сиёсий ҳуқуқларни таъминлаш бўйича тавсияларини амалга оширишга чақирди.

“Биз Ўзбекистон ҳукумати билан ушбу ва бошқа кўплаб икки томонлама ва минтақавий аҳамиятга молик масалалар бўйича ҳамкорликни давом эттириш тарафдоримиз’’, - келтирилади департамент хабарида.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей