1 USD = 10778.98 1 EUR = 12249.23 1 RUB = 144.17
БРВ = 270 000 сум МРОТ = 822 000 сум
1 USD = 10778.98 1 EUR = 12249.23 1 RUB = 144.17
БРВ = 270 000 сум МРОТ = 822 000 сум
Иқтисодиёт
22 октября, 11:11 306 0

Сенат гўшт ва картошка маҳсулотлари импортини ҚҚСдан озод қилишни маъқуллади

Бу бўйича қонун лойиҳаси Қонунчилик Палатаси томонидан қабул қилинганди.
Сенат гўшт ва картошка маҳсулотлари импортини ҚҚСдан озод қилишни маъқуллади
Фото: UzNews.uz
Сенат ялпи мажлисида Солиқ кодексига аҳолини асосий турдаги озиқ-овқат маҳсулотлари билан кафолатли таъминлашга қаратилган қўшимча киритиш тўғрисида”ги қонун кўриб чиқилди.

Қонун билан республикада гўшт маҳсулотлари ва асосий истеъмол маҳсулоти бўлмиш картошкага бўлган талаб ва нархлар барқарорлигини таъминлаш орқали аҳоли даромадларини ошириш мақсадида Солиқ кодексига қўшимча киритилмоқда.

Хусусан, Солиқ кодексининг 483-моддасига 2021 йил 10 октябрдан 2021 йил 31 декабрга қадар бўлган даврда гўшт (мол, қўй, товуқ), тирик ҳайвонлар (қорамол ва парранда) ва уларни сўйиш маҳсулотлари, картошка ҳамда музлатилган балиқни мамлакат ҳудудига олиб кириш, шунингдек уларни реализация қилиш бўйича айланмалар қўшилган қиймат солиғидан озод қилиш бўйича қўшимча норма киритилмоқда. Қонун сенаторлар томонидан маъқулланди.

Эслатиб ўтамиз, куни кеча юқоридаги қонун лойиҳаси депутатлар томонидан қабул қилиниб, сенатга юборилгани ҳақида хабар берган эдик.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей