1 USD = 10710.63 1 EUR = 12436.11 1 RUB = 149.57
БРВ = 270 000 сум МРОТ = 822 000 сум
1 USD = 10710.63 1 EUR = 12436.11 1 RUB = 149.57
БРВ = 270 000 сум МРОТ = 822 000 сум
Жамият
9 октября, 11:01 249 0

Ўзбекистонда ўз жонига қасд қилишга мойил қизларни рўйхати шакллантирилади

Шунингдек, зўрлик ишлатишдан жабр кўрган аёлларни реабилитация қилиш бўйича намунали марказлар Миллий гвардия томонидан қўриқланади.
Ўзбекистонда ўз жонига қасд қилишга мойил қизларни рўйхати шакллантирилади
Фото: Иллюстрация / t.me/zshodiyeva_xtb
Вазирлар Маҳкамаси “Ўзбекистон Республикаси ҳукуматининг айрим қарорларига ўзгартириш ва қўшимчалар киритиш тўғрисида”ги қарорни қабул қилди. 

Унга кўра, Халқ таълими вазирлиги ўз жонига қасд қилишга мойил, руҳиятида ўзгариш кузатилган ўқувчи қизлар рўйхати шакллантиради. 

Уларга тиббий ва психологик кўмак кўрсатиш бўйича манзилли ишларни ташкил этади. Шунингдек, вазирлик зўрлик ишлатишдан жабр кўрган аёлларни реабилитация қилиш ва мослаштириш бўйича республика, ҳудудий ва туманлараро намунали марказларига жойлаштирилган аёлларнинг вояга етмаган фарзандларини энг яқин ҳудуддаги умумий ўрта таълим муассасаларига вақтинча жойлаштириш чораларини кўради.

Қарорга кўра, аёлларни реабилитация қилиш ва мослаштириш бўйича намунали марказлар Миллий гвардиянинг қўриқлаш хизмати бўлинмалари томонидан қўриқланадиган объектлар рўйхатига киритилган. 

Таъкидланишича, “Маҳалла ва оила” ИТИнинг асосий вазифалари кенгайтирилди. Хусусан, бошқалар қаторида, институт оилавий зўравонликнинг келиб чиқиш омиллари ва сабабларини чуқур ўрганишни амалга оширади

“Ҳужжат қонун ҳужжатлари маълумотлари миллий базасида эълон қилинган ва 7 октябрдан кучга кирди”, - дейилади хабарда.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей