1 USD = 10705.00 1 EUR = 12421.01 1 RUB = 150.32
БРВ = 270 000 сум МРОТ = 822 000 сум
1 USD = 10705.00 1 EUR = 12421.01 1 RUB = 150.32
БРВ = 270 000 сум МРОТ = 822 000 сум
Ҳодисалар
4 октября, 08:05 462 0

Чилонзорда кўп қаватли уйда газ портлади

Газ-ҳаво аралашмасининг чақнашидан 17 та хонадонга зарар етган. Аҳоли эвакуация қилинди. ФВВ ҳодиса тафсилотларини маълум қилди.
Чилонзорда кўп қаватли уйда газ портлади
Фото: Видеодан кадрлар
Кеча, 3 октябрь куни соат 22:13 да пойтахтнинг Чилонзор тумани 7-кварталида жойлашган 59-уйда, бирламчи маълумотга кўра, газ-ҳаво аралашмасининг чақнаши содир бўлган. Бу ҳақда ФВВ Матбуот хизмати хабар берди.

Воқеа 7 қаватли уйнинг 36-хонадонида содир бўлган. ФВВнинг 5 та ёнғин-қутқарув экипажи воқеа жойига етиб борган. 

Маълум қилинишича, уй аҳолиси жабрланмаган. Қурбонлар йўқ. Аммо вазият оқибатида бир нечта хонадонларга қисман зарар етган, дераза ва эшиклар шикастланган. Айни вақтда ҳамкорликдаги хизматларнинг мутахассислари ушбу фавқулодда вазиятнинг сабабларини ўрганмоқдалар. 

17 нафар уйи шикастланган фуқаролар вақтинчалик меҳмонхонага жойлаштирилди.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей