1 USD = 10682.01 1 EUR = 12417.84 1 RUB = 150.45
БРВ = 270 000 сум МРОТ = 822 000 сум
1 USD = 10682.01 1 EUR = 12417.84 1 RUB = 150.45
БРВ = 270 000 сум МРОТ = 822 000 сум
Жамият
30 сентября, 11:07 2230 0

Профилактика инспекторларига маъмурий ҳуқуқбузарликларни кўриб чиқиш ваколати берилди

Бунда фуқароларнинг узоқда жойлашган ваколатли органлар ёки судларга бориш учун ортиқча харажат қилиши ва сарсон бўлишининг олдини олиш мақсад қилинган. Сенат тегишли қонунни мақуллади.
Профилактика инспекторларига маъмурий ҳуқуқбузарликларни кўриб чиқиш ваколати берилди
Фото: Сенат
Сенатнинг ўн тўққизинчи ялпи мажлисида профилактика (катта) инспекторлари фуқароларнинг қонуний ҳуқуқ ва манфаатлари ҳимоя қилинишини кучайтиришни кўзда тутувчи қонунни муҳокама қилди.

Қонун фуқароларнинг қонуний ҳуқуқ ва манфаатлари ҳимоясини кучайтириш ҳамда айрим тоифадаги маъмурий ҳуқуқбузарликларга нисбатан қўлланиладиган жарима миқдорларини кўриб чиқишга қаратилган.

Профилактика (катта) инспекторларининг ўзларига бириктирилган ҳудудда жиноятлар сонини камайтириш, уларнинг олдини олиш ва бартараф этиш чора-тадбирларини амалга ошириши учун ваколатлари кенгайтирилмоқда. 

“Маъмурий ҳуқуқбузарликлар бўйича ярашув институти”ни жорий этиш орқали маъмурий иш иштирокчиларининг ярашилганлиги муносабати билан маъмурий жавобгарликдан озод қилиш бўйича янги нормалар билан тўлдирилмоқда.

Маъмурий ҳуқуқбузарликларни кўриб чиқиш ваколати альтернатив орган сифатида профилактика (катта) инспекторларига берилиши натижасида ҳуқуқбузарлик содир этилган жойдан узоқ масофада жойлашган бошқа ваколатли органлар ёки судларга боришини истисно этган ҳолда фуқароларнинг ортиқча харажат қилиши ва сарсон бўлишининг олдини олишга хизмат қилади.

Шунингдек, содир этилган маъмурий ҳуқуқбузарликлар учун тез таъсирчан чоралар кўрилиши натижасида фуқароларга қўшимча оворагарчилик ва ноқулайликлар туғилиши ҳамда ҳуқуқбузарликларнинг барвақт олдини олиш, ортиқча қоғозбозликка чек қўйиш, жамиятда ҳуқуқий маданиятни юксалтириш, фуқароларга қонунга ҳурмат ва қонун бузилишининг ҳар қандай кўринишига муросасизлик муносабатини сингдиришга эришилади.

Қонун сенаторлар томонидан маъқулланди.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей