1 USD = 10670.00 1 EUR = 12525.46 1 RUB = 146.84
БРВ = 270 000 сум МРОТ = 822 000 сум
1 USD = 10670.00 1 EUR = 12525.46 1 RUB = 146.84
БРВ = 270 000 сум МРОТ = 822 000 сум
Жамият
11 августа, 18:18 542 0

Хориждаги ўзбекистонликлар учун 5 млрд сўм ажратилади

Хориждаги ватандошлар билан ишлаш ва уларнинг фаолиятини қўллаб-қувватлашга қаратилган жамғарма тузилади.
Хориждаги ўзбекистонликлар учун 5 млрд сўм ажратилади
Фото: president.uz / Иллюстрация
Шавкат Мирзиёев “Ватандошлар” жамоат фондини ташкил этиш тўғрисида”ги қарорни имзолади. Ушбу жамғарма 2021 йилга мўлжалланган давлат дастури лойиҳасида белгиланган вазифа бўйича тузилмоқда.

Қайд этилишича, ушбу жамғарманинг асосий мақсади дунёнинг 100 га яқин давлатларида яшаётган 10 миллиондан ортиқ ватандошлар, улар томонидан ташкил этилган 170 дан ортиқ маданий марказларни қўллаб-қувватлаш ҳисобланади.

Жамғарма фаолиятининг асосий йўналишлари қуйидагилар этиб белгиланган:

— хорижда ватандошлар билан ҳамкорликни ривожлантириш;
— халқаро ҳуқуқ нормаларига амал қилган ҳолда, хориждаги ватандошларнинг ҳуқуқ ва эркинликларини ҳимоя қилишга кўмаклашиш;
— хорижда ўзбек тили, маданияти ва анъаналарини сақлаб қолиш ва ривожлантиришга қаратилган фаолиятни қўллаб-қувватлаш;
— Ўзбекистонзнинг бой илмий, маданий ва маънавий меросини кенг тарғиб қилиш ва оммалаштириш;
— ватандошлар томонидан ташкил этилган жамоат бирлашмалари фаолиятини рағбатлантириш, уларга хорижда ўзбек миллий маданий марказларини ташкил этишда амалий ёрдам кўрсатиш;
— хориждаги ватандошларнинг чет элдаги илмий ва ижодий, Ўзбекистондаги тадбиркорлик, инвестициявий, илмий, маданий-маърифий фаолиятига кўмаклашиш;
— хорижий давлатлар билан миграция ва таълим соҳасида шартномавий-ҳуқуқий ҳамкорликни кенгайтириш ва бошқалар.

Жамғарма фаолиятини молиялаштириш давлат субсидияси ва давлат ижтимоий буюртмалари, муассислар ажратадиган маблағлар, ҳомийлик хайриялари, грантлар ва бошқа манбалар ҳисобидан амалга оширилади. Жамғармага фаолиятини ташкил қилиши учун 5 млрд сўм ажратилади.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей