1 USD = 10670.00 1 EUR = 12507.37 1 RUB = 146.84
БРВ = 270 000 сум МРОТ = 822 000 сум
1 USD = 10670.00 1 EUR = 12507.37 1 RUB = 146.84
БРВ = 270 000 сум МРОТ = 822 000 сум
Пресс-релизы
10 августа, 21:07 289 0

18 ёшга тўлган етим болаларга 1 хонали уй берилади

Етим болаларга уй-жой ажратишнинг янги тизимини жорий этиш бўйича президент қарор имзолади.
18 ёшга тўлган етим болаларга 1 хонали уй берилади
Фото: president.uz
Етим болаларга уй-жой ажратишнинг янги тизими жорий этилмоқда. Бу борада президент тегишли қарорни имзолади.

Қарорга кўра,

—  Уй-жойга муҳтож ва 18 ёшга тўлган етим бола учун (25 квадрат метрдан кам бўлмаган) 1 хонали, улар ўртасида тузилган оила учун (50 квадрат метрдан кам бўлмаган) 2 хонали уй-жой ажратилади.

— 2021 йил 1 декабрга қадар 757 нафар етим болаларга уй-жой ажратиш бўйича мақсадли параметр (охирги 10 йилда ажратилган уй-жойлар сонидан 1,2 баравар кўп) тасдиқланмоқда.

Шунингдек, етим болаларнинг таълим олишини рағбатлантириш мақсадида:

— Тарбия муассасаларидаги болаларга нодавлат таълим ташкилоти ўқув курсларида ўқиш харажати учун йилига 4,9 млн сўмдан компенсация тўланади;

— Етим болалар учун талабаларни рағбатлантириш жамғармаси ҳисобидан 50 фоизга оширилган миқдорда стипендия (амалдаги 470 минг сўмдан 705 минг сўмга оширилади) тўланади;

— Меҳрибонлик уйларига ёки етим болаларга ажратилган хайрия маблағлари фойда солиғи базасидан чегирилади.

Етим болаларнинг қонуний манфаатларини ҳимоя қилиш ва ижтимоий қўллаб-қувватлашнинг қуйидаги янги тизими жорий этилмоқда:

— Ногиронлиги бўлган етим болаларни васийликка олган оилаларга тўланадиган тўловлар 2,5 млн сўмга етказилади, соғлом етим болаларни васийликка ва ҳомийликка олганлик учун 1,2 млн сўм миқдорида ҳар ойлик моддий ёрдам тўловлари тўланади;

— Етим болаларнинг хорижий давлатларда жарроҳлик амалиёти харажатлари тўлиқ миқдорда компенсация қилинади.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей