1 USD = 10650.06 1 EUR = 12497.85 1 RUB = 146.08
БРВ = 270 000 сум МРОТ = 822 000 сум
1 USD = 10650.06 1 EUR = 12497.85 1 RUB = 146.08
БРВ = 270 000 сум МРОТ = 822 000 сум
Жамият
10 августа, 07:54 1814 0

Автомобиль бошқараётганда телефондан фойдаланишга рухсат берилади

Ҳайдовчиларга қулайликлар яратувчи янги қонун лойиҳаси ишлаб чиқилмоқда.
Автомобиль бошқараётганда телефондан фойдаланишга рухсат берилади
Фото: ИИВ ЙҲХББ
Адлия вазирлиги томонидан транспорт воситалари ҳайдовчиларига қулайликлар яратувчи янги қонун лойиҳаси ишлаб чиқилмоқда.

Унга кўра, ҳайдовчиларга транспорт воситасини бошқараётганда қўлларини ишлатмасдан мулоқот қилиш имконини берувчи минигарнитуралар ва бошқа техник қурилмалар орқали телефондан фойдаланиш ҳуқуқи берилмоқда.

— Автомобилни бошқараётганда телефондан фойдаланиш ҳуқуқбузарлигини жазо қўлланилгандан сўнг бир йил давомида такроран содир этилгандаги кучайтирилган жавобгарлик чораси бекор қилинмоқда;

— Автомобиль салонининг олд қисмига монитор (дисплей) ўрнатганлик учун маъмурий жавобгарлик бекор қилинмоқда;

— Ҳайдовчиларга, агарда уларнинг Ўзбекистонда берилган биометрик паспорти ёки ID-картаси ёнида бўлса, автомобилни бошқариш ҳуқуқини берувчи ҳужжатларни, тех-паспортни, суғурта полисини ёнида олиб юрмасдан автомобилни бошқариш ҳуқуқи берилмоқда;

Бунда, ушбу ҳужжатлар мавжудлиги ДЙҲХХ ходими томонидан электрон тизим орқали транспорт воситаси тўҳтатилган жойда мустақил текширилади. Мазкур янгиликни амалиётга жорий қилиш мақсадида ИИВга керакли интеграция ишларини 2021 йил 1 декабрга қадар якунлаш вазифаси юклатилмоқда.

— Ҳаракат тезлигини ўлчашда, тезликни ўлчайдиган махсус қурилмалар томонидан қайд этилган тезлик кўрсаткичларидан қурилмалар томонидан йўл қўйилиши мумкин бўлган соатига 5 километрлик нуқсонни айириб ташлаш бўйича қоида жорий этилмоқда.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей