1 USD = 10650.06 1 EUR = 12497.85 1 RUB = 146.08
БРВ = 270 000 сум МРОТ = 822 000 сум
1 USD = 10650.06 1 EUR = 12497.85 1 RUB = 146.08
БРВ = 270 000 сум МРОТ = 822 000 сум
Криминал
7 августа, 14:51 1227 0

Андижонда қимор сабаб қўшнисини ўлдирган йигит узоқ муддатга қамалди — видео

Қотил ютган пулини бермаган қўшнисини ўлдириб, уйидаги чуқурга кўмиб қўйган.
Андижонда қимор сабаб қўшнисини ўлдирган йигит узоқ муддатга қамалди — видео
Фото: Видеодан кадр
Андижон вилояти Избоскан туманида яшовчи йигит қимор ўйини сабабли қўшнисини ўлдириб, уйига кўмиб қўйган. Бу ҳақда “Бир жиноят изидан” кўрсатувида маълум қилинди.  

Қайд этилишича, 2020 йил 26 декабрь куни Избоскан тумани ИИБга 22 декабрь куни тахминан соат 20:00 ларда туманнинг Бешмирза маҳалласида яшовчи 1991 йилда туғилган Муроджон Эргашев уйидан чиқиб кетиб, қайтиб келмаганлиги хабар қилинган. 

Олиб борилган суриштирувларда, у ўша куни уйи ёнидаги дўкондан чиқиб, қўшниси, узоқ қариндоши 1994 йилда туғилган Абдураҳмон Комиловнинг уйига боргани аниқланган.

Аниқланишича, улар узоқ вақт давомида ошиқ ўйнашни одат қилган. Муроджон Эргашев Абдураҳмон Комиловдан қиморда пул ютқазиб қўйиб, тўлиқ қайтармагани сабабли ўзаро жанжаллар бўлиб турган. 

22 декабрь куни ташқарида жанжаллашишгач, йигитлар уйга киради. Шунда Абдураҳмон Муроджонни тош билан бир неча марта уради, елкасига бир неча марта пичоқ тиқиб олиб, қасддан ўлдиради ва ҳожатхона яқинидаги чуқурга ташлаб, кўмиб қўяди.

Марҳумнинг онаси ўғли қўшни йигитдан $100 қарзи бўлганини билдирган бўлса, қотил судда марҳум ундан 13 млн сўм қарзи борлигини айтган.

Қотил орадан 35 кундан кейин айбига иқрор бўлиб, ИИО ходимларига кўмган жойини кўрсатади.

Суд ҳукмига кўра, қотил қўшни 14,5 йилга озодликдан маҳрум қилинди.
 
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей