1 USD = 10648.03 1 EUR = 12582.78 1 RUB = 144.82
БРВ = 245 000 сум МРОТ = 747 300 сум
1 USD = 10648.03 1 EUR = 12582.78 1 RUB = 144.82
БРВ = 245 000 сум МРОТ = 747 300 сум
Коронавирус
17 июля, 23:43 758 0

18 ёшдан катта бўлган бир гуруҳ фуқароларга коронавирус инфекциясига қарши эмланиш мажбурий бўлди

Тегишли қарор Республика махсус комиссиясининг навбатдаги йиғилишида қабул қилинди.
18 ёшдан катта бўлган бир гуруҳ фуқароларга коронавирус инфекциясига қарши эмланиш мажбурий бўлди
Фото: Инновацион ривожланиш вазирлиги
17 июль куни Республика махсус комиссиясининг юртимизда коронавирус инфекцияси билан боғлиқ эпидемиологик вазият барқарорлигини таъминлашда кўрилаётган чораларни мувофиқлаштириш масалалари бўйича кенгайтирилган йиғилиши бўлиб ўтди. 

Унга кўра:

— 2021 йил 1 сентябргача 18 ёшдан катта бўлган қуйидаги тоифа ёки гуруҳдаги аҳоли қатлами коронавирус инфекциясига қарши 1-доза вакциналари;

— 1 октябргача 2-доза вакциналари;

— 1 ноябргача 3-доза вакциналари билан оммавий эмланиши (саломатлиги бўйича қарши кўрсатма бўлган ҳоллар бундан мустасно) шартлиги белгиланди.

Улар қуйидагилар:

— аҳоли билан мулоқотга кирувчи барча турдаги хизмат кўрсатиш объектларининг (давлат хизматлари марказлари, почта бўлинмалари,  банклар, лизинг ташкилотлари, нотариуслар, суғурта компаниялари, гўзаллик салонлари, сартарошхоналар ва бошқаларнинг) ходимлари;

— барча турдаги савдо объектларининг (озиқ-овқат, хўжалик моллари, кийим-кечак дўконларининг, дорихоналарнинг ва бошқаларнинг) ходимлари;

— спорт мактабларининг ҳамда спорт иншоотларининг ходимлари;

— маданий ҳамда кўнгилочар объектларнинг ва дам олиш масканларининг ходимлари;

— меҳмонхоналарнинг, уй меҳмонхоналарининг, хостелларнинг, отелларнинг, ётоқхоналарнинг ва кемпингларнинг ишчи-ходимлари;

— йўловчи ташиш билан шуғулланувчи давлат ва нодавлат ташкилотларнинг ходимлари;

— давлат ва нодавлат таълим муассасаларининг ходимлари;

— ҳарбий хизматчилар;

— умумий овқатланиш корхоналарининг, хусусан, жамоат жойларида жойлашган тезкор овқатланиш шохобчаларининг, чойхоналар, тўйхоналар, кафелар ва ресторанларнинг ходимлари, шу жумладан, маҳсулотларни етказиб бериш билан шуғулланувчилар;

— барча турдаги давлат ва нодавлат тиббиёт ва тиббий-ижтимоий объектларнинг ходимлари;

— коммунал хизмат соҳаси ходимлари;

— алоқа ва телекоммуникация объектларининг ходимлари;

— давлат ҳокимияти ва бошқаруви органларининг ходимлари; 

— ҳуқуқни муҳофаза қилувчи органларининг ходимлари.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей