1 USD = 10615.49 1 EUR = 12493.37 1 RUB = 144.21
БРВ = 245 000 сум МРОТ = 747 300 сум
1 USD = 10615.49 1 EUR = 12493.37 1 RUB = 144.21
БРВ = 245 000 сум МРОТ = 747 300 сум
Жамият
15 июля, 10:12 456 0

Айрим оилаларнинг фарзандлари бу йилги контрактини тўлашдан озод қилинди

“Темир дафтар”га киритилган оилалар учун қатор имтиёзлар белгиланди.
Айрим оилаларнинг фарзандлари бу йилги контрактини тўлашдан озод қилинди
Фото: t.me/andpress
“Ёшларни ҳар томонлама қўллаб-қувватлаш ва уларнинг ижтимоий фаоллигини янада оширишга оид қўшимча чора-тадбирлар тўғрисида”ги президент фармони имзоланди.

Унга кўра, “темир дафтар”га киритилган оилалар учун қатор имтиёзлар белгиланди. Жумладан,

— 2021 йил август ойида “темир дафтар”га киритилган оилаларнинг 18 ёшгача бўлган ҳар бир фарзанди учун 500 минг сўм миқдорида бир марталик моддий ёрдам кўрсатилади

 “Темир дафтар”га киритилган оилаларнинг давлат ОТМларида таълим олаётган фарзандларига 2021/22-ўқув йилида биринчи ўқув йили учун тўлов-контрактнинг тўлиқ суммаси қоплаб берилади.

— “Темир дафтар” ва “аёллар дафтари”га киритилган оилалар фарзандлари ҳамда “ёшлар дафтари”га киритилган ёшларга янги турмуш қураётганида ўз хонадонида қўшимча уй-жой қуриши учун 33 миллион сўмгача гаровсиз кредит ажратилади

— Ипотека дастури доирасида бошланғич бадал ва фоиз тўловлари бўйича қўшимча 2 мингта ёш оилага уй-жой сотиб олиши учун субсидия ажратилади.

—  2021 йил 1 сентябрдан республикадаги ОТМда тўлов-контракт асосида ўқиётган талабалар учун Марказий банкнинг асосий фоиз ставкаси миқдорида ва ўқиш муддати тугагандан кейин еттинчи ойдан бошлаб 7 йил муддатда қайтариш шартлари асосида таълим кредитлари берилади.

— Давлат органлари ва ташкилотларида ишлаётган халқаро 500 таликдаги ОТМларини тамомлаган ёки уларда илмий даража (PhD ва унга тенглаштирилган бошқа илмий даража) олган ёш мутахассисларнинг лавозим маошига қўшимча устамалар тўлаб бориш тартиби жорий этилади. 

Бунда, oйлик устамалар 2021 йил 1 октябрдан бошлаб Давлат хизматини ривожлантириш агентлиги, иш берувчи ва ёш мутахассис билан 3 йилгача бўлган муддатга тузилган шартнома асосида ҳар ой тўлаб борилади.

Элатиб ўтамиз, 30 июнь куни президент Шавкат Мирзиёев Ўзбекистон ёшлар ва талабалар форумида янги ўқув йилидан бошлаб талабаларга янги имтиёзлар берилиши ҳақида айтганди.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей