1 USD = 10634.36 1 EUR = 12519.83 1 RUB = 144.08
БРВ = 245 000 сум МРОТ = 747 300 сум
1 USD = 10634.36 1 EUR = 12519.83 1 RUB = 144.08
БРВ = 245 000 сум МРОТ = 747 300 сум
Жамият
18 июня, 11:20 3368 0

Кўп юрганга 3 минг сўм: Платформа ишга туширилди

“Соғлом турмуш тарзи” платформаси тест режимида ишга туширилди.
Кўп юрганга 3 минг сўм: Платформа ишга туширилди
Фото: Наманган вилояти ҳокимлиги / Иллюстрация
Ўзбекистонда аҳолини кунлик юриш ва югуришга тарғиб қилиш мақсадида жорий қилинган платформадан фойдаланиш учун 1hls.uz сайтида iOS ёки Android тизими учун мўлжалланган тегишли иловани юклаб олиш мумкин.

Рўйхатдан ўтишда ONE ID тизимида аккаунтга эга бўлиш ва мобил қурилмага Google Fit иловасини ўрнатиш шарт. Шунингдек, иловада ўзингиз ҳақингиздаги маълумотларни (бўй, вазн, яшаш манзили) ҳам киритишингиз зарур.

Илованинг “Созламалар” бўлимида “Ҳамён маълумотлари” орқали электрон карта рақамини олиш мумкин.

Платформада фуқароларнинг юрган қадамлари ҳисоби соат 00:00 дан 23:59 гача юритилади.

1 миллион сўмгача мукофот 

10 минг ва ундан ортиқ қадам юрган 18 ва ундан юқори ёшдаги фуқароларнинг электрон ҳамёнига 3 минг сўм туширилади.

Шунингдек, ҳудудлар кесимида энг кўп юрган шахсларга ҳар ойда:

– туман (шаҳар) бўйича – 300 минг сўм;
– вилоятлар бўйича – 500 минг сўм;
– республика бўйича – 1 млн сўм берилади.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей