1 USD = 10615.49 1 EUR = 12493.37 1 RUB = 144.21
БРВ = 245 000 сум МРОТ = 747 300 сум
1 USD = 10615.49 1 EUR = 12493.37 1 RUB = 144.21
БРВ = 245 000 сум МРОТ = 747 300 сум
Жамият
17 июня, 15:19 720 0

5 та вазирлик 61 млрд сўмни “еб қўйиши” олди олинди

Май-июнь ойларида 101,5 млрд сўмлик 324 та танловда қонун бузилиши аниқланган.
5 та вазирлик 61 млрд сўмни “еб қўйиши” олди олинди
Фото: UzNews.uz
Коррупцияга қарши курашиш агентлиги май-июнь ойларидаги давлат харидлари бўйича масофавий мониторинг натижаларини маълум қилди.

Унга кўра, бюджет буюртмачилари томонидан қиймати 101,5 млрд сўмлик 324 та танловда “Давлат харидлари тўғрисида”ги ва “Рақобат тўғрисида”ги қонунларнинг талаблари бузилишига йўл қўйилганлиги аниқланди. 

Қонунчилик талаблари бузилган танловлардан 72 таси (24,6 млрд) туман (шаҳар) ҳокимликлари, 71 таси (20,9 млрд) Халқ таълими вазирлиги, 61 таси (17,9 млрд) Соғлиқни сақлаш вазирлиги, 33 таси (11,1 млрд) Мактабгача таълим вазирлиги, 24 таси (7,9 млрд) Олий ва ўрта махсус таълим вазирлиги, 9 таси (3,6 млрд) Сув хўжалиги вазирлиги ва қолган 54 таси (15,5 млрд) бошқа вазирлик ва идоралар ҳисобига тўғри келади.

Вилоятлар кесимида Андижонда 20,0 млрд сўмлик (51 та), Самарқандда 12,8 млрд сўмлик (52 та), Жиззахда 8,3 млрд сўмлик (20 та), Бухорода 7,3 млрд сўмлик (33 та), Қашқадарёда 7,2 млрд сўмлик (20 та), Сурхондарёда 7,9 млрд сўмлик (30 та), Хоразмда 5,3 млрд сўмлик (18 та), Навоийда 5,2 млрд сўмлик (16 та), Наманганда 2,6 млрд сўмлик (11 та), Фарғонада 2,0 млрд сўмлик (10 та), Қорақалпоғистон Республикасида 3,4 млрд сўмлик (11 та) ва Тошкент шаҳрида 19,5 млрд сўмлик (51 та) танловлар бўйича давлат харидларига оид қонунчилик талаблари бузилганлиги маълум бўлди.

Мониторинг якунлари бўйича бюджет буюртмачилари томонидан эълон қилинган 101,5 млрд сўмлик 324 та танловни бекор қилиш ҳақида вазирлик ва идораларга 268 та тақдимнома киритилди.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей