1 USD = 10648.03 1 EUR = 12582.78 1 RUB = 144.82
БРВ = 245 000 сум МРОТ = 747 300 сум
1 USD = 10648.03 1 EUR = 12582.78 1 RUB = 144.82
БРВ = 245 000 сум МРОТ = 747 300 сум
Бизнес
17 июня, 09:09 395 0

Тошкентда ДХХнинг собиқ биноси 210 млрд сўмга сотилди

Шу билан бирга яна учта кўчмас мулк объектларини сотилиш ишлари давом этаётганлиги маълум қилинди.
Тошкентда ДХХнинг собиқ биноси 210 млрд сўмга сотилди
Йирик кўчмас мулк объектларини хусусийлаштириш жараёнлари бўйича Давлат тендер комиссиясининг қарори қабул қилинди. Бу ҳақда Давлат активларини бошқариш агентлигининг Матбуот хизмати хабар бермоқда.

Қайд этилишича, Тошкент шаҳри, Миробод тумани, Бухоро ва Нуронийлар кўчалари кесишуви манзилида жойлашган “Газеталар ишлаб чиқариш мажмуаси” биноси 78,0 миллиард сўм сотиб олиш нархи билан Metro Plaza МЧЖга;

Тошкент шаҳри, Яккасарой тумани, Юсуф Хос Хожиб кўчаси манзилида жойлашган “Ичан қалъа” меҳмонхона мажмуаси 74,2 миллиард сўм сотиб олиш нархи билан QUADRO IH DMCC компаниясига;

Тошкент шаҳри, Сайилгоҳ кўчаси манзилида жойлашган собиқ “Марказий бино” 210,0 миллиард сўм сотиб олиш нархи билан METROPOL GROUP МЧЖга сотилган.

Шу билан бирга, “Пойтахт бизнес мажмуаси” МЧЖ мулкий мажмуаси, “Малика” савдо ва маиший хизмат кўрсатиш мажмуаси ва “Қизил сув спорт соғломлаштириш” МЧЖни хусусийлаштириш жараёнлари давом этаётганлиги маълум қилинди.

Шунингдек, Давлат активларини бошқариш агентлиги савдо ғолиблари билан давлат активининг сотилиши юзасидан олди-сотди шартномасини расмийлаштириш ишларини бошлайди.

Эслатиб ўтамиз, аввалроқ Чорвоқдаги "пирамидалар" сотувга чиқарилгани ҳақида хабар берган эдик.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей