1 USD = 10648.03 1 EUR = 12582.78 1 RUB = 144.82
БРВ = 245 000 сум МРОТ = 747 300 сум
1 USD = 10648.03 1 EUR = 12582.78 1 RUB = 144.82
БРВ = 245 000 сум МРОТ = 747 300 сум
Жамият
15 июня, 15:45 532 0

Россия ноқонуний юрган ўзбекистонликларнинг қолиш муддатини узайтирди

15 июндан кейин мамлакатда ноқонуний юрганларни депорт қилиш режалаштирилганди. 
Россия ноқонуний юрган ўзбекистонликларнинг қолиш муддатини узайтирди
Фото: migranturus.com
Россия президенти мамлакат ҳудудида ноқонуний бўлиб турган меҳнат мигрантларига 2021 йилнинг 30 сентябрига қадар ўз мақомларини қонунийлаштиришга рухсат берувчи тегишли фармонни имзолади. Бу ҳақда Россия президенти Матбуот хизмати хабар берди.

Аввалроқ, ушбу муддатнинг сўнгги куни 15 июнга мўлжалланганди
Ноқонуний бўлиб турган мигрантлар ушбу муддатга қадар яшаш жойидаги тегишли Россиянинг ички ишлар органларига мурожаат қилиш орқали ўз ҳолатини қонунийлаштириши мумкин. 

Бунда Россиянинг ички ишлар органлари томонидан ноқонуний равишда бўлиб турган фуқароларга нисбатан мамлакатдан маъмурий чиқариб юбориш, депортация қилиш чорлари қўлланилмайди ҳамда уларга яшаш жойидаги миграция бўлимидан қайта рўйхатдан ўтиш имконияти берилади.

Ташқи меҳнат миграцияси агентлиги хабарига кўра, 2020 йилда Россияда вақтинча меҳнат фаолиятини амалга ошираётган 50 минг 700 нафар ўзбекистонликларнинг мақоми қонунийлаштирилган.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей