1 USD = 10581.03 1 EUR = 12645.39 1 RUB = 145.92
БРВ = 245 000 сум МРОТ = 747 300 сум
1 USD = 10581.03 1 EUR = 12645.39 1 RUB = 145.92
БРВ = 245 000 сум МРОТ = 747 300 сум
Жамият
8 июня, 12:41 610 0

Мактабларда 1-синфга қабул қачондан бошланиши айтилди

Вазирлик қабул Тошкент шаҳри ва айрим ҳудудларда тажриба-синов тариқасида электрон шаклда амалга оширилишини маълум қилди.
Мактабларда 1-синфга қабул қачондан бошланиши айтилди
Фото: Тошкент шаҳар ХТБ
Халқ таълими вазирлиги Ахборот хизмати раҳбари Лайло Рустамова АОКАда ўтказилган брифингда 2021-2022 ўқув йилида мактабларнинг 1-синфига ҳамда Халқ таълими тизимидаги Ихтисослашган мактабларга қабул тартибидаги ўзгаришлар ҳақида маълумот берди.

Маълум қилинишича, Тошкент шаҳри, Қорақалпоғистон Республикаси ва вилоятларнинг марказидаги мактабларда 1-синфга қабул жараёнлари тажриба-синов тариқасида электрон шаклда амалга оширилади. 

Жараён 2 босқичда бўлади. Биринчи босқичда ота-оналар жорий йилнинг 15 июнидан 5 июлига қадар my.maktab.uz электрон плафтормаси орқали рўйхатдан ўтиб, фарзандлари 1-синфга чиқадиган мактабларни танлайди.

Бунда ота-оналарга 3 та мактабни танлаш имконияти берилади. Биринчи мактаб – ота-она доимий истиқомат қилаётган ҳудуддаги мактаб, яъни яшаш манзили бириктирилган микроҳудуддаги мактаб;

Иккинчи ва учинчи мактаблар - ота-оналарнинг ихтиёрий танлови асосида фарзандларини қатнаши учун қулай бўлган  мактаблар.     

Иккинчи босқичда 6 июлдан 31 июлгача ота-оналар электрон плафторма орқали танлаган биринчи мактабга, яъни бириктирилган микроҳудуддаги мактабга ҳужжатларини топширадилар, бунда ҳужжатларни топшириш тўлиқ электрон шаклда амалга оширилади. Ота-оналарнинг доимий яшаш манзили бўйича бириктирилган микроҳудуддаги мактабга жойлашишлари кафолатланади.  

Агар ота-оналар микроҳуддуддаги мактабни эмас, бошқа мактабларни танлаган бўлса, яъни электрон рўйхатдан ўтиш вақтида танлаган иккинчи ёки учинчи мактабларнинг бирида бўш ўринлар бўлган тақдирда 1-15 август кунлари ҳужжатларини топширишлари мумкин бўлади. 

Қолган ҳудудлар (Қорақалпоғистон Республикаси ва вилоятларнинг бошқа туман (шаҳар)лари) умумтаълим мактабларида  1-синфга  қабул анъанавий шаклда, яъни бевосита мактабда амалга оширилади.

Қабул анъанавий шаклда амалга ошириладиган ҳудудларда ота-оналар 15 июндан -15 июлгача доимий яшаш манзили бўйича бириктирилган микроҳудуддаги мактабга фарзандларини 1-синфга жойлаштриш учун ҳужжатларини топширишлари мумкин.  

Шунингдек, 16 июлдан - 15 августга қадар ота-оналарга ихтиёрий танлов асосида бошқа мактабларга, яъни микроҳудудига кирмаса ҳам бўш ўринлар бўлса, фарзандларини 1-синфга қабул қилиш учун бошқа мактабга ҳужжатларини топшириш имконияти берилади.
Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей