1 USD = 10581.03 1 EUR = 12645.39 1 RUB = 145.92
БРВ = 245 000 сум МРОТ = 747 300 сум
1 USD = 10581.03 1 EUR = 12645.39 1 RUB = 145.92
БРВ = 245 000 сум МРОТ = 747 300 сум
Жамият
26 мая, 13:42 975 0

Ўрта Чирчиқдаги ободонлаштириш бошқармаси бошлиғига нисбатан ички текширув бошланди — аудио

У ўз ходимини мажбурий меҳнатга жалб қилиш ва ҳақорат қилишда айбланяпти. Ижтимоий тармоқда улар орасидаги суҳбатнинг аудиоёзуви тарқалган эди.
Ўрта Чирчиқдаги ободонлаштириш бошқармаси бошлиғига нисбатан ички текширув бошланди — аудио
Фото: UzNews.uz / Иллюстрация
Ижтимоий тармоқларда Ўрта Чирчиқ тумани ободонлаштириш бошқармаси бошлиғи Асқар Турдиқуловнинг ходим билан мулоқоти ёзилган аудиоёзув тарқалди. 

Унда ходим бошқарма бошлиғини мажбурий меҳнатга жалб қилганликда айблаган. Асқар Турдиқулов эса ўз навбатида ходимни қўпол сўзлар билан ҳақорат қилишни бошлаган.

Тошкент вилояти ҳокимлиги ҳузуридаги ободонлаштириш бош бошқармаси мазкур ҳолат юзасидан ички текширув бошланганини маълум қилди.

“Айни пайтда ушбу раҳбар ходимнинг ўз мансабига лойиқлиги масаласи муҳокама қилинмоқда”, - дейилади хабарда. 

Шунингдек, вилоят ҳокимлиги ҳузуридаги ободонлаштириш бош бошқармаси муносабатида ҳар қандай даражадаги раҳбарнинг бировни ҳақоратлашга ҳаққи йўқлиги, шунингдек, бу каби ҳолларда фуқаролар ўз ҳуқуқларини ҳимоя қилишлари лозимлиги таъкидланади.

“Бунақа ҳолатларда фуқароларимиз тегишли ташкилотларга мурожаат қилиб, ўз ҳуқуқларини ҳимоя қилишлари тарафдоримиз ва касбига нолойиқ ходимларга орамизда ўрин йўклигини билдирамиз”, - дейилади Тошкент вилояти ҳокимлиги ҳузуридаги ободонлаштириш бош бошқармаси муносабатида.
 
Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей