1 USD = 10571.88 1 EUR = 12623.88 1 RUB = 145.58
БРВ = 245 000 сум МРОТ = 747 300 сум
1 USD = 10571.88 1 EUR = 12623.88 1 RUB = 145.58
БРВ = 245 000 сум МРОТ = 747 300 сум
Жамият
18 мая, 10:01 758 0

Халқ депутатлари Андижон шаҳар кенгашида қатнашган депутатлар тинтувдан ўтказилди

Ўша кунги сессияда вилоятдаги ер сотувчиларнинг ишига “бурун тиққан депутат” иши кўрилиб, уни дахлсизлик ҳуқуқидан маҳрум қилишган.
Халқ депутатлари Андижон шаҳар кенгашида қатнашган депутатлар тинтувдан ўтказилди
Кеча, 17 май куни ижтимоий тармоқларда халқ депутатлари Андижон шаҳар Кенгашининг навбатдаги сессиясида бир гуруҳ депутатлар тинтувдан ўтказилгани акс этган сурат тарқалди.

Олий Мажлис Қонунчилик палатаси депутати Расул Кушербаев бу ҳолатга эътибор қаратиб, “бунда депутат дахлсизлигига амал қилинмаган”ини айтмоқда.

Депутатга кўра, ушбу сессияда Андижонда ер сотувчиларнинг кирдикорларини фош қилиб юрган депутатни прокурор тақдимномасига кўра дахлсизлик ҳуқуқидан маҳрум қилишган.

“Катта эҳтимол билан депутатларни дахлсизлик ҳуқуқигаям тупуриб тинтув ўтказишга топшириқ берганлар ер сотиш ишларига дахлдор ва депутатни дахлсизлик ҳуқуқидан маҳрум қилиб қамашга иштиёқманд "ўша" шахслар бўлиши керак”, – дейди Расул Кушербаев.

Шунингдек, у ноқонуний тинтув ўтказиш учун тақдимнома киритган қонун ҳимоячиси прокурорнинг ҳолатни қандай изоҳлашига қизиқишини билдириб, бу саволнинг очиқ қолаётганини таъкидлайди.
Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей