1 USD = 10507.46 1 EUR = 12586.89 1 RUB = 136.97
БРВ = 245 000 сум МРОТ = 747 300 сум
1 USD = 10507.46 1 EUR = 12586.89 1 RUB = 136.97
БРВ = 245 000 сум МРОТ = 747 300 сум
Жамият
1 апреля, 11:26 516 0

Ўзбекистонда аҳолининг кўпчилиги COVID’га қарши эмланишни истамаяпти — “Юксалиш” сўровномаси

19 мингдан зиёд респондент қатнашган сўровнома натижалари эълон қилинди. “Юксалиш” аҳолининг коронавирусга қарши вакцина олмаслиги сабаблари ва буни камайтириш бўйича таклифларни берди.
Ўзбекистонда аҳолининг кўпчилиги COVID’га қарши эмланишни истамаяпти — “Юксалиш” сўровномаси
Фото: t.me/vaksinauzb
“Юксалиш” умуммиллий ҳаракати эмлаш тадбирлари ҳақида Интернет фойдаланувчиларининг кайфияти ва фикрларини билиш мақсадида ўтказилган (29-31 март) онлайн-сўров натижаларини маълум қилди.

Уч кун давомида деярли барча вилоятлардан 19 мингдан зиёд иштирокчилар овоз берган.

Қайд этилишича, онлайн-сўровда респондентларнинг 44 фоизи (8 599 овоз) “Эмланмайман” вариантини танлаган. Сўров иштирокчиларининг учдан бир қисми — 34 фоизи (6 641) Россиянинг “Спутник V”, 8 фоизи (1 516) Хитой – Ўзбекистон ҳаммуаллифлигидаги “ZF-UZ-VAC2001” ва 7 фоизи (1 351) АҚШ – Германия ишлаб чиқарган “Pfizer/BioNTech” вакциналарига овоз берди. Респондентларнинг 5 фоизи (959) “AsrtaZeneca” (Буюк Британия), 2 фоизи (327) “Moderna” (АҚШ) вакциналарини танлади.

“Албатта, бу маълумотларни тўлиқ социологик кесим сифатида ҳисоблаш ноўрин, аммо шунга қарамай, ўзбекистонликларнинг маълум бир қисми эмланишни рад этади, дейиш мумкин”, - дейилади хабарда.

Мутахассисларнинг фикрига кўра, эмланишдан бош тортиш — ҳар доим ҳам қўрқув ёки ишончсизлик билан боғлиқ эмас. Асосий сабаблардан бири одамларнинг COVID-19’га қайта чалинаётганидир. Касал бўлмаганларнинг бир қисми бошқа вакцинани кутмоқда, бошқа қисми эса уларда ёки қариндошларида эмланиш қандай ўтишидан хавотирда. Баъзилар ножўя таъсирлардан қўрқишади. Қўрқув вакцина сифатига ишончсизликни ҳам келтириб чиқаради.

Яна бошқа омиллардан бири аҳолининг соғлиқни сақлаш тизимидан тўла қониқмаслигидир. Одамлар ортиқча бюрократияга, катта навбатларга дуч келишдан қўрқади, вакцина асоратлари бўлган тақдирда уларга малакали тиббий ёрдам ўз вақтида кўрсатилишига шубҳа билан қарайди, самарасиз ташкил этилган эмлаш жараёни уларнинг ҳаёти ва соғлиғига хавф туғдириши мумкинлигидан хавотирланади.

“Юксалиш” ҳолат бўйича қуйидаги таклифларни илгари сурди:

•  Республика аҳолисининг вакцинага бўлган эҳтиёжлари ва уларнинг афзалликларини ўрганиш учун тўлиқ социологик тадқиқотлар ўтказиш. 
•  Эмлашни амалга оширадиган мутахассисларни ўқитиш, эмланишга хайрихоҳ бўлмаган ёки руҳан тайёр бўлмаган аудитория билан ишлаш бўйича тренинглар ташкил этиш. 
•  Беморларга ахборот етказишда норасмий ёндашиш, хабарларни тушунарли тарзда етказиш. 
•  Соғлиқни сақлаш вазирлиги ва бошқа масъул идоралар томонидан тўлақонли ва ишончли маълумотларни, айтайлик, “COVID-19 вакциналари ҳақида ҳақиқат” рукни остида ўз манбаларида (шу жумладан ижтимоий тармоқларда) тақдим этиш. 
•  Вакциналар ҳақидаги афсоналарни йўққа чиқариш. 
•  Таниқли давлат ва жамоат арбобларининг эмланиш жараёнини намойиш этиш, фаол фуқароларнинг фикрларини бериб бориш.
Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей