1 USD = 10525.64 1 EUR = 12670.77 1 RUB = 138.40
БРВ = 245 000 сум МРОТ = 747 300 сум
1 USD = 10525.64 1 EUR = 12670.77 1 RUB = 138.40
БРВ = 245 000 сум МРОТ = 747 300 сум
Сиёсат
5 марта, 09:07 100 0

Шавкат Мирзиёев “Роспотребнадзор” раҳбарини “Меҳр-саховат” кўкрак нишони билан тақдирлади

Кўкрак нишонини Анна Поповага ССВ вазири Абдуҳаким Ҳожибоев топширди.
Шавкат Мирзиёев “Роспотребнадзор” раҳбарини “Меҳр-саховат” кўкрак нишони билан тақдирлади
Фото: "Дунё" АА
Жорий йил 2 март куни Москвада Ўзбекистон соғлиқни сақлаш вазири Абдуҳаким Ҳожибоев Россиянинг Истеъмолчилар ҳуқуқларини ҳимоя қилиш ва инсон фаровонлигини назорат қилиш федерал хизмати ("Роспотребнадзор") раҳбари Анна Поповага “Меҳр-саховат” кўкрак нишонини топширди. 


Ўзбекистоннинг Россиядаги элчихонаси хабарига кўра, маросим пайтида Анна Попова Шавкат Мирзиёевга юксак мукофот учун самимий миннатдорлик билдирган.

Маълум қилинишича, пандемия пайтида етакчи россиялик мутахассислар ўзбекистонлик ҳамкасбларига вирусга қарши курашишда услубий ва амалий ёрдам кўрсатиш учун Ўзбекистонга юборилган.

“Роспотребнадзор” шунингдек, Ўзбекистонга 140 минг тадқиқот ўтказиш имкониятини берувчи тест тўпламларини тақдим этган. Бу ўз вақтида коронавирус инфекциясини аниқлаш ва тарқалишининг олдини олишда ёрдам берган.

Бундан ташқари, ушбу бўлим “СПИД инфосвязь” ва UNAIDS билан ҳамкорликда Ўзбекистонга бирламчи тиббий-профилактика, акушерлик, гинекологик, кардиологик ва урологик ёрдам кўрсатишга мўлжалланган кўчма диагностика мажмуасини, шунингдек, ОИВ ҳамда COVID-19 каби хавфли инфекцияларни текшириш ва аниқлаш бўйича хизматларни тақдим этган.
Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей