1 USD = 10473.07 1 EUR = 12426.30 1 RUB = 135.81
БРВ = 245 000 сум МРОТ = 747 300 сум
1 USD = 10473.07 1 EUR = 12426.30 1 RUB = 135.81
БРВ = 245 000 сум МРОТ = 747 300 сум
Криминал
3 марта, 18:49 1170 0

Туркияга қизларни интим хизматлар учун жўнатаётган 21 ёшли шахс қўлга олинди

У 3 нафар хотин-қизларга ўз ҳисобидан авиа чипталарни сотиб олиб берган шунингдек, керакли ҳужжатларни расмийлаштирган.

Туркияга қизларни интим хизматлар учун жўнатаётган 21 ёшли шахс қўлга олинди
Фото: UzNews.uz

ИИВ ҳузуридаги Тергов департаменти хабарига кўра, 2021 йилнинг 26 февраль куни 21 ёшли Умида А., 18 ёшли Гулшода Б., ва 30 ёшли Ирода Б.,лар вилоят ИИБ бошлиғи номига ариза билан мурожаат қилиб, унда “Асадбек” исмли шахс уларни Туркия давлатига ҳақ эвазига фоҳишалик билан шуғулланиб, бир йилда уй, автомашина олишлари мумкинлигига қизиқтиргани ва ўзининг ҳисобидан авиа чипталарни сотиб олиб берганини маълум қилган.

Тезкор-тадбир ўтказилиб, “Асадбек” исмли шахс уларни “Ислом Каримов” номидаги Тошкент халқаро аэропорти орқали юбориш мақсадида йўловчи такси автомашинасида олиб кетаётган вақтида Дўстлик тумани “Манас” ЙҲХБ масканида ушланиб, унинг ёнидан ушбу фуқароларга тегишли хорижга чиқиш паспортлари, авиа чипта ҳамда “Covid-2019” тиббий маълумотномалари ашёвий далил тариқасида расмийлаштириб олинган.

Олиб борилган терговга қадар текширув ҳаракатлари давомида, ушбу жиноятни 21 ёшли Асадбек Б., содир этганлиги аниқланган.

Мазкур ҳолат юзасидан Дўстлик тумани ИИБ ҳузуридаги Тергов гуруҳи томонидан Асадбек Б.,га нисбатан Ўзбекистон Республикаси Жиноят кодекснинг 135-моддаси 2-қисми “б” банди (Одам савдоси) билан жиноят иши қўзғатилиб, гумон қилинувчи тариқасида жалб қилинган.

Ҳозирда, Асадбек Б., муқаддам ушбу турдаги жиноятларни содир қилиб, юртдошларимизни чет элга шаҳвоний ниятларда юборган ҳолатлари бор ёки йўқлигини аниқлаш мақсадида тергов ҳаракатлари олиб борилмоқда.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей