1 USD = 10525.64 1 EUR = 12670.77 1 RUB = 138.40
БРВ = 245 000 сум МРОТ = 747 300 сум
1 USD = 10525.64 1 EUR = 12670.77 1 RUB = 138.40
БРВ = 245 000 сум МРОТ = 747 300 сум
Жамият
3 марта, 15:28 200 0

Қилмишидан пушаймон маҳкума аёллар қамоқдан озод қилинди

Турли муддатларга озодликдан маҳрум этилган аёлларнинг шикоятлари кўриб чиқилиб, қониқтирилди.
Қилмишидан пушаймон маҳкума аёллар қамоқдан озод қилинди
Фото: Сенат
2021 йил 2 март куни Олий судда жазони ижро этиш муассасаларида оғир, ўта оғир жиноятларни содир этиб, турли муддатларга озодликдан маҳрум этилган 16 нафар маҳкума аёлнинг кассация тартибида берган шикоятлари кўриб чиқилди.  

Олий суд раисининг ўринбосари Икром Муслимов раислигида бўлиб ўтган очиқ суд мажлисларида ҳар бир аёлнинг кассация тартибида берган аризаси қонун доирасида батафсил ўрганилди.

Маҳкума аёллар жазонинг асосий қисмини ўтагани, қилмишидан чин кўнгилдан пушаймонлиги, жазони ўташ жараёнида ўзининг ижобий жиҳатларини намоён этиб, муассаса раҳбариятининг ташаккурномасини олгани эътиборга олинди.

Оғир жиноятларни содир этган маҳкума аёллар қилмишидан чин кўнгилдан пушаймон бўлган ҳолда президентдан, Ўзбекистон халқидан кечирим сўради.

Суд ажрими билан содир этган жинояти учун тайинланган жазонинг асосий қисмини ўтагани, қилмишига иқрор ва пушаймон бўлгани, ёши ҳамда кафолат хатлари инобатга олиниб, 14 нафар аёлнинг тайинланган жазолари енгиллаштирилиб, жазодан озод қилинди ҳамда оиласи, яқинлари бағрига қайтарилди. Шунингдек, 2 нафар маҳкума аёлга тайинланган жазолар енгиллаштирилди.
Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей