1 USD = 10552.01 1 EUR = 12669.80 1 RUB = 137.11
БРВ = 245 000 сум МРОТ = 747 300 сум
1 USD = 10552.01 1 EUR = 12669.80 1 RUB = 137.11
БРВ = 245 000 сум МРОТ = 747 300 сум
Об-ҳаво
1 марта, 14:09 365 0

Ўзбекистонда баҳор фаслининг биринчи ҳафтаси ёмғирли бўлади

Синоптиклар республикада март ойининг бошида кутилаётган об-ҳаво ҳақида маълумот берди.
Ўзбекистонда баҳор фаслининг биринчи ҳафтаси ёмғирли бўлади
Фото: Марат Наджибаев / UzNews.uz
Ўзгидромет хабарига кўра, 1 март куни Ўзбекистон ҳудуди бўйлаб кам булутли ва қуруқ об-ҳаво сақланиб туради. Ҳаво ҳарорати +13...+18 даража бўлади, бу меъёрдан 2-4 даражага юқоридир.

2 март куни республикада кун давомида ҳаво булутли бўлиши кутилмоқда. Бунинг ҳисобига ҳаво ҳарорати кундузи пасаяди ва +10...+15 даражани ташкил этади, аммо, об-ҳавонинг ёғингарчиликсиз бўлиши эҳтимоли сақланиб туради.

3 мартда республикага Эрон ҳудудларидан нам ҳаво массалари кириб келади, кўпчилик вилоятларда бироз ёмғир ёғади, фақат Бухоро ва Навоий вилоятларида асосан ёғингарчиликсиз об-ҳаво бўлиши кутилмоқда.

Шимолий ҳудудларга Кавказ ҳудудларидан совуқ ҳаво массалари кириб келади ҳамда Қорақалпоғистонда ва Хоразм вилоятида 3 март куни кечаси ва эрталаб бироз ёғингарчилик (ёмғир, қор) кузатилади.

4-5 март кунлари Ўзбекистонда ёмғир ёғади, шимолда ёмғир ва қор кўринишидаги ёғингарчилик бўлади. 4 мартдан 5 мартга ўтар кечаси тоғли ҳудудларнинг баъзи жойларида ёғингарчилик кучли бўлиши мумкин.

5 март куни Қорақалпоғистонда, Хоразм, Бухоро ва Навоий вилоятларида ёғингарчилик кузатилмайди.

3-5 март кунлари ҳаво ҳарорати кечаси 0...+5, кундузи +10...+15 даража атрофида бўлади. 5 март куни ҳароратнинг +8...+11 даражагача бироз пасайиши кутилмоқда.

1-5 март кунлари Ўзбекистоннинг тоғли ҳудудларида қор кўчиши хавфи сақланиб туради.
Комментарии
Добавить комментарий Приветствуются интересные и осмысленные комментарии по теме материала.
Лента новостей Весь топ обсуждаемых статей