1 USD = 10554.34 1 EUR = 12837.24 1 RUB = 143.43
БРВ = 245 000 сум МРОТ = 747 300 сум
1 USD = 10554.34 1 EUR = 12837.24 1 RUB = 143.43
БРВ = 245 000 сум МРОТ = 747 300 сум
Жамият
13 февраля, 17:33 448 0

Тошкентда яна бир хусусий университет ташкил этилади

Муассаса халқаро бухгалтерия ҳисоби ва аудит, бизнес бошқаруви, молиявий таҳлил каби соҳалар учун кадрлар тайёрлайди. 
Тошкентда яна бир хусусий университет ташкил этилади
Фото: Иллюстрация / Тошкент давлат юридик университети
Тошкент вилояти Қибрай туманида International School of Finance and Technology (ISFT) университети ташкил этилади. Бу борада Ҳукуматнинг тегишли қарори лойиҳаси муҳокама учун махсус порталга жойлаштирилди.  

“International School of Finance Technology and Science” МЧЖ муассислигидаги мазкур университет нодавлат олий таълим ташкилоти ҳисобланади.

Университетда республикадаги эҳтиёжларни ҳисобга олиб, халқаро бухгалтерия ҳисоби ва аудит, бизнес бошқаруви, молиявий таҳлил, молиявий риск бошқаруви ҳамда бошқа соҳаларда юқори малакали кадрларни тайёрлайди. 

Университетда ўқитиш ўзбек, рус ва инглиз тилларида амалга оширилади. Битирувчиларга Ўзбекистон Республикасининг олий маълумот тўғрисидаги давлат намунасидаги диплом, хорижий ҳамкорлар билан ташкил этиладиган АССА (Association of Chartered Certified Accountants) халқаро дастури бўйича таълим олган битирувчиларга эса Oxford Brookes University дипломи берилади.

Муассис томонидан университетни ривожлантириш режаларига мувофиқ, республиканинг бошқа вилоятларида университетнинг филиаллари ташкил этилиши мумкин.

Биноси Тошкент вилояти, Қибрай тумани, “Салор” шаҳарча фуқаролар йиғинида жойлашадиган университетга 2023 йил 1 январга қадар давлат томонидан қатор солиқ имтиёзлари ва преференциялар берилмоқда.

Эслатиб ўтамиз, аввалроқ Вазирлар Маҳкамасининг Бухоро психология ва хорижий тиллар университетини ташкил этишга доир қарори лойиҳаси эълон қилингани ҳақида хабар берилган эди.
Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей