Энди президентлик, Парламент сайловлари октябрь ойида ўтказилади
Олдин сайловлар декабрь ойи учинчи ўн кунлигининг биринчи якшанбасида ўтказиларди.
Сенатнинг ўн иккинчи ялпи мажлисида “Сайлов қонунчилиги такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонун муҳокама қилинди.
Амалдаги қонунчиликка мувофиқ президентлик сайлови, Олий Мажлис Қонунчилик палатасига ҳамда маҳаллий вакиллик органларига сайловлар тегишинча уларнинг конституциявий ваколат муддати тугайдиган йилда – декабрь ойи учинчи ўн кунлигининг биринчи якшанбасида ўтказилади.
Киритилаётган ўзгартишлар билан сайловларни октябрь ойида ўтказиш таклиф қилинди.
Қайд этилишича, сайлов муддатининг ўзгариши фуқароларнинг сайловларда фаол иштирок этишига ҳамда кузатувчилар ва сайловчилар учун қулай шароитлар яратилишига олиб келади.
Шу тариқа жорий йилда бўлиб ўтадиган президентлик сайловлари октябрда ўтказилади.
Яна бир давлат Ўзбекистон фуқаролари учун чегарасини очди
Россиянинг Ўзбекистондаги янги элчиси тайинланди
Mercedes-Benz икки пиёдани уриб юборди. Улардан бири воқеа жойида вафот этган