1 USD = 10477.86 1 EUR = 12606.96 1 RUB = 141.84
БРВ = 245 000 сум МРОТ = 747 300 сум
1 USD = 10477.86 1 EUR = 12606.96 1 RUB = 141.84
БРВ = 245 000 сум МРОТ = 747 300 сум
Об-ҳаво
1 февраля, 11:55 607 0

Февралнинг илк ҳафтаси илиқ кечиши кутилмоқда

Синоптиклар қишнинг сўнгги ойи қандай бошланиши ҳақида маълумот берди.

Февралнинг илк ҳафтаси илиқ кечиши кутилмоқда
Фото: Марат Наджибаев / UzNews.uz

Ўзгидромет хабарига кўра, 1 февраль куни республиканинг кўпчилик вилоятларида меъёрга яқин бўлган қуруқ ва илиқ об-ҳаво кузатилади. Фақат куннинг биринчи ярмида Тошкент, Жиззах, Сирдарё вилоятларида ёмғир ёғиши эҳтимоли сақланиб туради. Ҳаво ҳарорати охирги кунга нисбатан пасаяди ва +8...+13 даража илиқни ташкил этади.  

2 февраль куни Туркманистон орқали Каспий денгизидан нам ҳаво массалари кириб келиши ҳисобига Бухоро, Навоий, Самарқанд вилоятларида кечаси ва эрталаб бироз ёмғир ёғиши мумкин, Қашқадарё, Сурхондарё вилоятларида баъзи жойларда ёмғир ёғади. Ҳаво ҳарорати кечаси 0...+5 даража илиқ, кундузи +10...+15 даража илиқ атрофида бўлади.

Иш ҳафтасининг охиригача ёғингарчилик кутилмайди. Кечалари ҳарорат 0...+5 даража илиқ, кундуз кунлари +10...+15 даража илиқ атрофида бўлади, жума куни +14...+17 даража илиққача кўтарилади.

Ҳафта давомида республиканинг тоғли ҳудудларида қор кўчиш хавфи сақланиб туради.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей