Ўзбекистонда ҳаво ҳарорати +17 даражагача илиши кутилмоқда
Синоптиклар республикада январь ойи охирида қандай об-ҳаво кутилаётганини маълум қилди.
“Ўзгидромет” хабарига кўра, 29 январь жума ва 30 январь шанба кунлари республиканинг барча ҳудудларига Эрон ҳудудларидан илиқ ҳаво кириб келиши кузатилади.
Шу кунларда республика бўйича ёғингарчиликсиз, илиқ об-ҳаво бўлиши кутилмоқда. Кундуз кунлари қуёш ҳавони +10...+15 даражагача иситади, кечалари эса -2...+3 даража илиқ атрофида бўлган бироз совуқ сақланиб туради.
31 январь куни булутлилик зичланиши кутилмоқда, баъзи жойларда ёмғир ёғади, фақат Фарғона водийси вилоятларида ёғингарчилик бўлиши эҳтимоли камроқ. Ҳаво ҳарорати кечалари +2...+7 даража, кундуз кунлари +12...+17 даража, шимолда 0...-5 даража, кундуз кунлари +4...+9 даража атрофида бўлиши кутилмоқда.
Шу кунларда ўртача кеча-кундузлик ҳаво ҳарорати ўртача кўп йиллик қийматлардан 4-6 даражага юқори бўлади.
29-31 январда республиканинг тоғли ҳудудларида қор кўчиши хавфи сақланиб туради.
Туркияга қизларни интим хизматлар учун жўнатаётган 21 ёшли шахс қўлга олинди
Уйларнинг бир квадрат метрини 4 миллион сўмдан оширмаслик вазифаси қўйилди
ННТни қайта рўйхатдан ўтказиш муддати 1 ойдан 15 кунгача қисқартирилади