1 USD = 10487.54 1 EUR = 12692.02 1 RUB = 142.44
БРВ = 245 000 сум МРОТ = 747 300 сум
1 USD = 10487.54 1 EUR = 12692.02 1 RUB = 142.44
БРВ = 245 000 сум МРОТ = 747 300 сум
Жамият
29 января, 11:24 626 0

Жазони ижро этиш муассасалари ходимлари боди-камералар билан таъминланади

Шунингдек, маҳкумларнинг қариндошлари билан бўлиб ўтадиган учрашувлари видеоконференцалоқа режимида онлайн тарзда ўтказилади.

Жазони ижро этиш муассасалари ходимлари боди-камералар билан таъминланади
Фото: aoka.uz

Жазони ижро этиш муассасалари ходимлари боди-камералар билан таъминланади. Бу ҳақда АОКАда ИИВ Жазони ижро этиш бош бошқармаси масъул ходимлари иштирокида ташкил этилган матбуот анжуманида маълум қилинди.  

Қайд этилишича, жазони ижро этиш тизимига IT-технологияларни жорий этиш, жазо муддатини ўтаётган маҳкумлар ва уларнинг оила аъзоларига қулайлик яратиш мақсадида:

– маҳкумларнинг қариндошлари ва бошқа шахслар билан бўлиб ўтадиган учрашувлари видеоконференцалоқа режимида онлайн тарзда ўтказилади. Масофали видео-учрашув жараёнида маҳкумнинг қариндошлари ва бошқа шахслар билан мулоқотлари тўғридан-тўғри трансляция орқали амалга оширилишини таъминлаш мақсадида барча жазони ижро этиш муассасалари оптик толали алоқа каналлари билан таъминланди;

– жазони ижро этиш ходимлари шахсий видеорегистратор (36 комплект боди-камера) билан хизмат ўташлари жорий қилинади.

Тизимдаги 25 та манзил-колония босқичма-босқич қисқартирилади.

Эслатиб ўтамиз, Ўзбекистонда жазони ижро этиш тизимида 22 мингдан ортиқ, шундан 7 мингдан ортиғи манзил колонияда, 14 мингдан ортиқ маҳкумлар ёпиқ турдаги колонияларда жазо муддатини ўтамоқда.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей