1 USD = 10538.53 1 EUR = 12879.14 1 RUB = 143.31
БРВ = 245 000 сум МРОТ = 747 300 сум
1 USD = 10538.53 1 EUR = 12879.14 1 RUB = 143.31
БРВ = 245 000 сум МРОТ = 747 300 сум
Жамият
22 января, 17:04 599 0

Кеча бошланган ноқулай об-ҳаво туфайли 550 мингдан ортиқ истеъмолчи электрсиз қолди

“Ҳудудий электр тармоқлари” аҳолини 22 январь куни ҳам электр энергиясида вужудга келиши мумкин бўлган узилишлардан огоҳлантирмоқда.

Кеча бошланган ноқулай об-ҳаво туфайли 550 мингдан ортиқ истеъмолчи электрсиз қолди
Фото: Скриншот

Кеча бошланган ва айни пайтда давом этиши  кузатилаётган кучли шамол, қор бўрони оқибатида ҳаво электр тармоқлари ҳамда трасформатор пунктларига етказилган шикаст натижасида, республика бўйича 550 100 истеъмолчилар электр энергиясисиз қолган. 

Бу ҳақда "Ҳудудий электр тармоқлари" АЖ бошқаруви раисининг биринчи ўринбосари Жаҳонгир Обиджонов маълум қилди.

Шунингдек, Жамият бошқаруви раисининг биринчи ўринбосари электр энергиясидаги узилишлар билан боғлиқ ҳолатга изоҳ берди.

Қайд этилишича, тармоқларда содир бўладиган авариявий ўчишларни тезкор бартараф этиш мақсадида ташкил этилган навбатчи бригадалар томонидан таъмирлаш-тиклаш ишлари олиб борилиб, барча авариявий ўчган 110-35 кВ кучланишли тармоқлар ҳамда 247 дона 6-10 кВ кучланишли линиялар тармоққа қайта уланган.

Айни вақтда истеъмолчиларни босқичма-босқич тармоққа қайта улаш ишлари олиб борилмоқда. Шунингдек, электр энергиясиз қолган 350 200 дан ортиқ ёки деярли 60 фоизи қайта тармоққа уланиши таъминланди.

Ҳозирда республика бўйича 6-10 кВ кучланишли 229 дона ҳаво линияларда узилишлар мавжуд бўлиб, ушбу вужудга келган фавқулодда вазиятлар оқибатларини бартараф этиш бўйича “Ҳудудий электр тармоқлари”нинг тизим корхоналари ходимлари томонидан туну кун таъмирлаш-тиклаш ишлари давом эттирилмоқда.

“Ҳудудий электр тармоқлари” АЖ ноқулай об-ҳаво шароити айрим ҳудудларда 2021 йил 22 январь куни ҳам давом этиши мумкинлигини ҳисобга олиб, аҳолини электр энергиясида вужудга келиши мумкин бўлган узилишлардан огоҳлантирди.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей