Пойтахт депутатлари зарурат бўлганда доимий “прописка”сиз фуқароларга ҳам ёрдам кўрсатиши мумкин
Тошкент шаҳри депутатлари ихтиёрига берилаётган 2 млрд сўмдан эҳтиёж бўлса доимий рўйхатда турмаган аҳолига ҳам ёрдам бериши мумкинлиги айтилди.
Тошкент шаҳар Кенгаши депутати Тошпўлат Матибаев ҳар бир депутат ихтиёрига берилаётган 2 млрд сўм маблағлар ҳудуд аҳолисини қийнаб келаётган муаммоларга йўналтирилишини маълум қилди. Бу ҳақда UzNews.uz мухбири хабар берди.
– Бу маблағлар ҳисобидан ҳудудларда яшаётган шунингдек, Тошкент шаҳрида доимий рўйхатда турмаган аҳоли вакилларига ҳам, эҳтиёж бўлса, ёрдамлар кўрсатилаверади. Бунда албатта, ўша ҳудуддан сайланган депутат ва тегишли ташкилотлар фуқаронинг муаммосини ўрганиб чиқади ва маблағ ажратиш лозим деб топилса, маблағ ажратилади. Қисқа қилиб айтганда, фуқаронинг қаерда доимий рўйхатда турганлиги унинг яшаб турган ҳудудидаги муаммоси ечилишига тўсқинлик қилмайди, - дейди Тошпўлат Матибаев.
Эслатиб ўтамиз, жорий йил Тошкент шаҳар Кенгаши депутатлари ихтиёрига бюджет тушумининг орттириб бажарилган қисмидан 120 миллиард сўм маблағ берилаётгани хабар қилинган эди.
Тошкентда жанжалдан кейин шифохонага ётқизилган талаба комадан чиқди
2020 йилда давлат ташқи қарзининг $5,5 миллиарди нефт-газ ҳамда электр-энергетика соҳасига йўналтирилган
Aбдулазиз Комилов қирғизистонлик ҳамкасби билан учрашди