Банкларнинг ўз қарздорларига тунги вақтда қўнғироқ қилиши тақиқланди
Тегишли қарор билан истеъмолчиларга мавжуд қарзлар ҳақида оғзаки эслатмалар қилишга йўл қўйилмайдиган вақт оралиғи белгиланди.
Марказий банк “Банк хизматлари истеъмолчилари билан ўзаро муносабатларни амалга оширишда тижорат банкларининг фаолиятига қўйиладиган минимал талаблар тўғрисидаги низомга ўзгартириш ва қўшимчалар киритиш ҳақида”ги қарорни қабул қилди. Бу ҳақда “Норма” Ахборот-ҳуқуқий портали хабар берди.
Энди банкларга қуйидагилар тақиқланди:
• микроқарз шартномалари бўйича йиллик қарз суммасининг ярмидан кўп миқдорида фоизлар ҳисоблаш, комиссия ва "неустойка" (жарима, пеня) ундириш, жавобгарликнинг бошқа чораларини қўллаш;
• кредит буюртмаларини кўриб чиқиш, ссуда ҳисоб рақамларига хизмат кўрсатиш, кредитлар ажратиш учун тўловлар, шунингдек, жисмоний шахслар ва кичик тадбиркорлик субъектлари томонидан кредитлар (микроқарзлар)ни муддатидан илгари қоплаш учун "неустойка" (жарима, пеня) ундириш.
• Банк хизматлари истеъмолчисига мавжуд қарзлар ҳақида маҳаллий вақт билан соат 20:00 дан 8:00 гача оғзаки эслатмалар қилишга йўл қўйилмайди.
Ҳужжат жорий йил 15 апрелидан бошлаб кучга киради.
Туркияга қизларни интим хизматлар учун жўнатаётган 21 ёшли шахс қўлга олинди
Уйларнинг бир квадрат метрини 4 миллион сўмдан оширмаслик вазифаси қўйилди
ННТни қайта рўйхатдан ўтказиш муддати 1 ойдан 15 кунгача қисқартирилади